ଅଜବ ଅଜାର ଗଜବ ଲଭ

ଶ୍ରୀଯୁକ୍ତା ନାତୁଣୀ ରୂପକୁ ଭିଆଣି

କଲୁଣି ମୋତେ ବାତେରା

ଚତୁଃବର୍ଷେ ପାଦ ଘେନ ଆଶ୍ରୀବାଦ

ମୁଁ ଆଶିକ୍ ତୋ ଆୱାରା

ନାଲି ଗୁଲୁ ଗୁଲୁ ଗୋଲାପୀ ଓଠୁ ତୋ

ଝରୁଥାଉ ସଦା ହସ

ମୋ ପାଚିଲା ବେଲ କରିବି ଲୋ ଗେଲ

ଛୁଉଁ ବେଗି ଦୁଷ୍ଟ ବୟସ

ଛୁଉଁଲୋ ସଅଳ ବୟଷ ଷୋହଳ

ତୋତେ ମୋ କାକୁଡି କଷି

ଅଢେଇ ଅକ୍ଷର ମାଖିବି ଜବର

ହବୁ ମୋ ମନ ମାନସୀ

ମୋ କଷି କନିଆଁ ତୋ ରୂପେ କିମିଆଁ

ମନ ହୁଏ କୁତୁ କୁତୁ

ହୁଏ ବେପରୁଆ ହଙ୍କ ହଙ୍କ ହିଆ

ଏ ବୟସେ ପ୍ରେମ ଋତୁ

ମୁହିଁ ବୁଢା ବର ନସର ଫସର

ହେଉଅଛି ଅଣାବଣା

ବିଡି ଖିଆ ଖର୍ଚ୍ଚୁ ବଞ୍ଚେଇ ରଖିଛି

କିଣିଦେବି ନାକ ଗୁଣା

ରଖିଅଛି କିଣି ମୋ କଷି ନାତୁଣୀ

ସ୍କ୍ରିନ୍ ଟଚ ମୋବାଇଲି

ଜମେଇବା ଗପ ଓନ୍ଲି ୱାଟସପ୍

ଦେହ ହବ ସିଲି ସିଲି

ତୁ କଷି ଲଭର ମୁଁ ବୁଢା ନାଗର

କୃଷ୍ଣ ରାଧା ହେବା କୁଞ୍ଜେ

ଏ କାହାଣୀ ନିୟୁ ହବ ଭଲ ଭିୟୁ

ଆ କିଇନ୍ଦି ନାଗିଅ ଯେ

କରିବୁନି ମନା ଏ ସାରା ଜମାନା

ପେରେମରେ ମଜ୍ଜିଯିବ

ଅଜବ ଗଜବ ମୋର ଏଇ ଲଭ୍

ଡିବି ଡିବି ବାଜୁଥିବ ।

ଦାଶରଥି ସାହୁ

କଳମ୍ବ /ଗଞ୍ଜାମ