Library
Profile
ହଡ଼ା ବଳଦଟେ ଦେଖିବି ବୋଲି
ହଡ଼ା ବଳଦଟେ ଦେଖିବି ବୋଲି
ହଡ଼ା ବଳଦଟେ ଦେଖିବି ବୋଲି
ଗାଆଁଟା ସାରା ମୁଁ କେତେ ବୁଲିଲି
ପାଇଲି ନାହିଁ
ବାଟରେ ଭେଟିଲା ଗିରିଆ ଭାଇ |
ଗୋରୁ ହାଟର ତ ଦଣ୍ଡିଆ ସିଏ
ପଚାରୁ ପଚାରୁ ଉତ୍ତର ଦିଏ
ଏଇ ମଣିଷ
ଧନ ପାଇଁ କରି ନପାରେ କିସ ! |
ସାଗରରୁ ମୁକ୍ତା ସଂଗ୍ରହ ପାଇଁ
ଶାମୁକା ପୋହଳା ଧରଇ ଯାଇ
ପଣ୍ଡା ବଳଦ
ଏହି କାମପାଇଁ ହୁଅନ୍ତି ଵଧ |
ଗୋରୁ ହିନ୍ଦୁଙ୍କର ଇଷ୍ଟ ସମ୍ପଦ
ବସୁଙ୍କର ମାତା ଦେବ ଆରାଧ୍ୟ
ଗୋମାତା ବନ୍ଦ୍ୟ
ଜୀବନେ ମରଣେ ସର୍ବ ଶୁଭଦ |
ଧନ ଲୋଭେ ନର କଂସେଇ କରେ
ଟେକି ଦିଏ ଗୋରୁ ଯୁବାବସ୍ଥାରେ
ବୁଢ଼ା ପର୍ଯ୍ୟନ୍ତ
ରଖି କିଆଁ ହେବ ସେ ହନ୍ତସନ୍ତ |
ଦାମୁଡ଼ିଆ ଗୋରୁ ଚଢ଼ା ଦରରେ
କିଣନ୍ତି ବେପାରୀ ହାଟବାଟରେ
ଗୋରୁ ବେପାର
କରିଲେଣି ହିନ୍ଦୁ ମନେ ବିଚାର |
ଗାନ୍ଧି ଗୋପବନ୍ଧୁ ବୁଦ୍ଧଙ୍କ ବାଣୀ
ଦେଖାଇଲେ ଅହିଂସାର ସରଣୀ
ଋଷି ବଚନ
ବିଜ୍ଞାନ ଯୁଗରେ ନିଷ୍ପ୍ରୟୋଜନ |
ଗୀତା ଭାଗବତ ନୀତି ଆଦର୍ଶ
ହରାଇଲାଣି ଧର୍ମୀୟ ଉତ୍କର୍ଷ
ପୁଣ୍ୟ ଭାରତ
କିଥିଲା କି ହେଲା ତଳିତଳାନ୍ତ |
ଜୀବ ପ୍ରତି ଦୟା ନାହିଁ ଯାହାର
ଶ୍ଵାପଦ ଦାନଵ ଠାରୁ ଇତର
ଖଳ ବର୍ବର
ପଡ଼ିବ ନିଶ୍ଚେ ରୌରବ ନର୍କର |
