ଲାଇବ୍ରେରୀ
ପ୍ରୋଫାଇଲ୍
ହାଟ
ହାଟ
1 min
327
ଭଳି ଭଳି ଦରବର ପସରା ମେଲି
ବସିଥାନ୍ତି କେତେ
ବୁଲୁଥାନ୍ତି ମେଞ୍ଚା ମେଞ୍ଚା ଗ୍ରାହକ ଏଠାରେ
ନିତି ପ୍ରତିଦିନ ଆସନ୍ତିନି ସିନା
ଦ୍ରବ୍ୟ ଅଟେ ଏଠି ସବୁ ନିତ୍ୟ ବ୍ୟବହାର୍ଯ୍ୟ
କେତେ ଦୂରୁ ଆସିଥାନ୍ତି ଗ୍ରାହକ ଏଠାକୁ
ମୂକ ସାକ୍ଷୀ ଏଠି ନଣ୍ଡା ବରଗଛ
ଆଉ ଲମ୍ବା ତାଳ ବଣ ।
ଦୂରୁ ଶୁଭେ ହମ୍ବା ରଡ଼ି
ଗୋଡବନ୍ଧା କୁକୁଡ଼ାର ଆର୍ତ୍ତ ଚିତ୍କାର
ନାଲି ବେଲୁନର ପେଟ ଫଟା ଶବ୍ଦ
ଆଉ ଖଟ୍ ଖାଟ୍ ଗୁପ୍ ଚୁପ୍ ଦୋକାନୀର ।
ବାଡି ଶାଗ ବିଡା ଧରି
ବୁଢ଼ା ବାପୁଡ଼ାଟି
ଆତୁର ନୟନେ ଚାହିଁ ରହିଥାଏ
ବିଦା ହେବ
ନିରାପଦେ ପହଞ୍ଚିବ
ସୂର୍ଯ୍ୟାସ୍ତ ପୂର୍ବରୁ।
ନୀଳ ନାନା ଫେରିଥାନ୍ତି
ହାଟ ସାରି
ଘଣ୍ଟି ମାରି କଟ କଟ କରୁଥିବା
ସାଇକଲଟିରେ।
