ହାସ୍ୟ ରସେ ଏବେ ମଜ୍ଜ

ବିରସ ବଦନ କିମ୍ପା ପ୍ରାଣନାଥ

କିଏ କି କହିଲା ଆଜ,

ଦେଖି କରି ହୃଦ କରତି ହେଉଛି

କୁହ ହେ ଦ୍ଵାରିକାରାଜ ।

ପ୍ରତିକାର କରିବା କିଛି

ଯା' ପାଖରେ ଯେଉଁ ଉପାୟ ଅଛି ।

ପ୍ରତିକାର କରିବା କିଛି ।

ଶଶୀରେଖା ଆଉ ମାଧବୀ, ମାଳତୀ,

ଅଳକା, ମରୁଆ, ଲଗ୍ନା, ଜାମ୍ବବତୀ ।

ଲକ୍ଷଣା, କାଳିନ୍ଦୀ, ସତ୍ୟା, ହୈମବତୀ ,

ସେବାରେ କି ତୁମ ହେଳା କରିଛନ୍ତି ।

କହିଲେ ମୁଁ ସିନା ଆକଟ କରନ୍ତି 

ପ୍ରାଣନାଥ କଥା ବୁଝ ।

କିଏ କି କହିଲା ଆଜ

ନରକାସୁରକୁ ବଧ କଲା ପରେ,

ଷୋଳ ସସ୍ର ନାରୀ ଆଣିଛ ସଙ୍ଗରେ ।

ସେଥିପାଇଁ କିବା ବିଷାଦ ମନରେ,

ବୁଝିଛୁ ଦେଇଛ ମାନ୍ୟ ସମାଜରେ ।

ଗ୍ରହଣ କରିବୁ ଭଗିନୀ ଭାବରେ

ବିଷାଦ ଏଥର ତେଜ ।

ହାସ୍ୟ ରସେ ଏବେ ମଜ୍ଜ ।