ହାକୁମ୍ ଭାଈ

      

ହାକୁମ୍ ଭାଈ ରେ ହାକୁମ୍ ଭାଈ,

ପବନେ ସବାରୀ ଯାଉଛି ବାହି l

ସବାରୀ ଭିତରେ ସୁନା କନିଆଁ,

ପାଲିଙ୍କି ହଲୁଛି ଲାଗେ ଛାନିଆ l

ଆଖିରେ ଦେଖୁଛି ସପନ କେତେ,

ଆକାଶେ ଉଡୁଛି ବିହଙ୍ଗ ସତେ l

ମୁରୁକି ମୁରୁକି ଦେଉଛି ହସି ,

ସପନେ କି ଅବା ପାହିବ ନିଶି l

ହାକୁମ୍ ଭାଈରେ, ହାକୁମ୍ ଭାଈ,

ଧୀରେ ଧୀରେ ଟିକେ ଚା'ଲ ତୁହି l

ଭାରି ଡରକୁଳି ଏ କୁନି ବହୁ,

ସପନ ତାହାର ତୁଟି ନ ଯାଉ l

ହାକୁମ୍ ଭାଇରେ, ହାକୁମ୍ ଭାଈ,

ବୋହୂକୁ ଯାଆ ତୁ କଲ୍ୟାଣ ଦେଇ l

 ସ୍ବର୍ଣ୍ଣ ସୂତ୍ରେ ଗୁନ୍ଥି ସ୍ବପ୍ନର ଛବି,

ହୀରକ ଜୀବନେ ଭରୁ ସୁରଭି l