ଗୁରୁ ଶିଷ୍ୟ
ଗୁରୁ ଶିଷ୍ୟ
କଞ୍ଚା ମାଟି ପରି ଛାତ୍ର ଜୀବନରେ
ଗୁରୁ ତୁମେ ପରା କାରିଗର,
ମାଟିକୁ ଚକଟି ଆକୃତି ଦେଇ ତୁମେ
ଗଢ଼ ମୂର୍ତ୍ତି ବହୁ ସୁନ୍ଦର ।
ତୁମେ ପରା ବ୍ରହ୍ମା ତୁମେ ପରା ବିଷ୍ଣୁ
ତୁମେ ପୁଣି ମହେଶ୍ୱର,
ମାଆ ବାପା ପରେ ତୃତୀୟରେ ଗୁରୁ
ସାକ୍ଷାତ ତୁମେ ଇଶ୍ଵର ।
ଛାତ୍ର ଛାତ୍ରୀଙ୍କ କୁନି ଜୀବନରେ
ତୁମେ ମାର୍ଗ ପ୍ରଦର୍ଶକ,
ଛାତ୍ର ଛାତ୍ରୀ ଯଦି ନାୟକ ନାୟିକା
ତୁମେ ସେଠି ନିର୍ଦ୍ଦେଶକ ।
ଅଜ୍ଞାନ ଅନ୍ଧାର ଦୂର କର ତୁମେ
ଜ୍ଞାନର ଆଲୋକ ହୋଇ,
ସମାଜେ ଏକାକୀ ବଞ୍ଚିବା ଶିଖାଅ
ଶୁଭ ଚିନ୍ତକ ହୋଇ ।
ଶିଷ୍ୟଙ୍କ ଜୀବନ ଉଜ୍ବଳ କର ହେ
ପାଠ ସଙ୍ଗେ ସାଠ ଦେଇ,
ତୁମ ବୋଲ ମାନି ଚାଲୁଥିଲେ ବାଟ
ଶିଷ୍ୟ ଜଗତ ଜିତା ହୁଅଇ ।
ଆଶୀର୍ବାଦ ତବ ଥିଲେ ଶିଷ୍ୟ ପାଖେ
ବଢ଼ୁ ଥିବ ତାର ଆୟୁ,
ପୂଜୁ ଥିବ ନୀତି ଗୁରୁ ହେ ତୁମକୁ
ଥିବା ଯାଏଁ ପ୍ରାଣ ବାୟୁ ।