ଗୁରୁ ସାକ୍ଷାତ ଈଶ୍ୱର

ଗୁରୁ ବ୍ରହ୍ମ।,ବିଷ୍ଣୁ , ଗୁରୁ ମହେଶ୍ୱର 

ଗୁରୁ ସାକ୍ଷାତ ଈଶ୍ୱର

ଗୁରୁ ପିତା ମାତା ଭାଗ୍ୟର ବିଧାତା

ଗୁରୁ ଶକ୍ତି ଜୀବନର ।

ଜ୍ଞାନର ଵୀଜକୁ ରୋପି ଚାଲୁଥାନ୍ତି 

ଜୀବନ ପାଠଶାଳାରେ 

ଜାଳି ଜ୍ଞାନାଲୋକ ଅଜ୍ଞାନ ତିମିର

ଖେଦି ଦେଇଥାନ୍ତି ଦୂରେ ।

ଅଙ୍କା ବଙ୍କା ପଥେ ବିଜନ ବେଳାରେ

ଚାଲୁଥାନ୍ତି ଧରି ହାତ

ଚାଲୁଚାଲୁ କେବେ ଥକି ଗଲେ ପଛେ

 ଦେଖାନ୍ତି ଆଶାର ପଥ ।

ଶିଷ୍ୟ ପାଇଁ ତାଙ୍କ ଜୀବନ ଉତ୍ସର୍ଗ

ଶିକ୍ଷାରେ ହୁଅନ୍ତି ବ୍ରତୀ

ଜୀବନ ଯୁଦ୍ଧରେ ଜିତେଇବା ପାଇଁ

ଦ୍ରୋଣାଚାର୍ଯ୍ୟ ସାଜିଥାନ୍ତି ।

ଅନ୍ୟାୟ,ଅଧର୍ମ,ପାପ ଓ କୁକର୍ମ 

ପ୍ରତିହତେ ଯେତେ କଳା

ଧରମ ଦାଣ୍ଡରେ ଅଗ୍ରସର ହେଲେ

ଶିଷ୍ୟ ତାଙ୍କ ଗଳାମାଳା ।

ଜଳି ଜଳି ନିଜେ ଜଳିବା ଶିଖାନ୍ତି 

ସଂସାର ସାଗରେ ଏକା

କର୍ତ୍ତବ୍ୟ ନିଷ୍ଠାରେ ବ୍ରତୀ ହେବା ପାଇଁ

ଦେଉଥାନ୍ତି ସଦା ଶିକ୍ଷା ।

ନୟନ ଅଶ୍ରୁରେ ଚରଣ କମଳ

ଧୋଇ ସେବୁଥିବି ନିତି

ଭକତି ପୁଷ୍ପରେ ଗୁରୁ ପାଦ ଧ୍ୟାୟୀ

 ଦିନ ଯାଉ ମୋର ବିତି ।