Library
Profile
ଗୁଣ୍ଡୁଚି ମୂଷା
ଗୁଣ୍ଡୁଚି ମୂଷା
1 min
590
ନିମିତ୍ତ ମୁଁ ମାତ୍ର ଧନ ମାନ ହୀନ
ଅଳ୍ପ ବୁଦ୍ଧି କ୍ଷୁଦ୍ର ନର
ନାହିଁ ମୋ ଶକତି ଅଚଳା ସମ୍ପତ୍ତି
ଜାଣିନି ପୂଜା ମନ୍ତର ।
ପଢିନାହିଁ ବେଦ ଶାସ୍ତ୍ର ଓ ପୁରାଣ
ବିଶେଷ ଜ୍ଞାନ ବିଜ୍ଞାନ
ପ୍ରତିଷ୍ଠା ଉତ୍ତମ ଅରଜି ନାହିଁ ମୁଁ
ଦୀନ ହୀନ ଅକିଞ୍ଚନ ।
ତୁମରି ତ ଦାନ ଏ ଜୀବନ ପ୍ରାଣ
ତୁମେ କର୍ମ ଧର୍ମ ଲକ୍ଷ୍ୟ
ତୁମ ପାଦପଦ୍ମ ହେଉ ସଦା ଧ୍ୟେୟ
ପ୍ରାପ୍ତି ପରମ ଉଦ୍ଦେଶ୍ୟ ।
Advertisement
p>
ଭକ୍ତି ସେବା ନିଷ୍ଠା ଭାବ ସମର୍ପଣେ
ଅରପୁଛି ନଇବେଦ୍ୟ
ମହତ ତୁମର ସୃଷ୍ଟି କଲ୍ୟାଣାର୍ଥେ
ହେଉ ଅନୁକୂଳ ଗ୍ରାହ୍ୟ ।
ଜଗତର ନାଥ ପ୍ରଭୁ ଜଗନ୍ନାଥ
ଶ୍ରୀରାମ ପୁରୁଷୋତ୍ତମ
ଦିଅ ଶୁଭାଶିଷ କର୍ତ୍ତବ୍ୟ କରମେ
ଢ଼ାଳି ଦିଏ ମନ ପ୍ରାଣ ।
ସାମାନ୍ୟ ଗୁଣ୍ଡୁଚି ମୂଷିକର ସମ
ହେଉ ମୋ ଜୀବନ ଧନ୍ୟ
ତବ ଶ୍ରୀଚରଣେ ଲାଗିରହୁ ମନ
ଲୋଡେ ନାହିଁ ଧନ ଜନ ।
