ଗୃହଲକ୍ଷ୍ମୀ

ବୋହୁ ନୁହେଁ ତୁ ଆସିଛୁ ଗୃହ ଲକ୍ଷ୍ମୀ ହୋଇ

ରହିବୁ ଆମ ଘର କୂଳ ବଧୂ ହୋଇ

ତୋ ପାଇଁ ଏ ଘର ହସି ଉଠିବ

ତୁ ଥିଲେ ଆମର ଶାନ୍ତି ରହିବ

ତୁ ଆମର ସୁନା ବୋହୁ ହୋଇ ଆସିଛୁ

ଏ ଘର ଭଲ ମନ୍ଦ ତୁ ଏକା ଜାଣୁଛୁ

ଆମ ପୁଅକୁ ତୁ କରିଲୁ ନିଜର

ପୁଅର ମନକୁ ବୁଝିବୁ ଆମର

ତୁ ଆମ ବଂଶକୁ ଆଗକୁ ନେବୁ

ସଭିଙ୍କ ମନ ଜାଣି ତୁ ଚଳିବୁ

ଶାଶୁ ଶଶୁର ତୋ ମନ କଥା ବୁଝିବେ

ତୋତେ ଘର ଦାୟିତ୍ୱ ଦେଇ ମୁକ୍ତ ହୋଇବେ

ତୁ ଥିଲେ ଆଉ କିଛି ଲୋଡ଼ା ନାହିଁ ଆମର

ତୁ ଆମ ଗୃହ ଲକ୍ଷ୍ମୀ ତୋ ପାଇଁ ହସୁଛି

ସଂସାର

ତୁ ଥିଲେ ଧନ ବୈଭବ ଆସିବ

ସକଳ ଦୁଃଖ ଯାଇ ସୁଖ ଆସିବ

ଝିଅ ରୂପରେ ଆମେ ତୋତେ ପାଇଛୁ

ଆମ ଗୃହ ଲକ୍ଷ୍ମୀକୁ ପାଇ ଚିନ୍ତା ଛାଡିଛୁ

ତୁ ଆମ ଘରକୁ ସରଗ କରିବୁ

ଆମ ଗୃହ ଲକ୍ଷ୍ମୀ ହୋଇ ଶୋଭା ପାଇବୁ