ଗୃହଲକ୍ଷ୍ମୀ
ଗୃହଲକ୍ଷ୍ମୀ
ନାରୀ ଅଟେ ‐ ଗୃହଲକ୍ଷ୍ମୀ ଗୃହ ହାନୀ ଲାଭ
ନାରୀ ବିନା ଆନ କେହି ବୁଝିକି ପାରିବ ।
ଯାହା ଯୋଗୁଁ ହୁଏ ଘର ଶୋଭାର ଆଗାର
ନିଜ ହାତେ କରେ ନିତି ସୁ‐ସୁନ୍ଦର ତର ।
ଚମକ ଓ ଚାକ ଚକ୍ଯେ ଉଲ୍ଲସାଏ ମନ
ସେବା ସୁଶ୍ରୂସାରେ ଚିର ରତ ରାତି ଦିନ ।
ଥାଇ ସେ ସବୁରୀ ପ୍ରାଣେ ମନେ ପ୍ରଫୁଲ୍ଲତା
ବୁଣି ଦିଏ ଅହ ରହ କେତେ ସରସତା ।
ରସର ମାଧୁର୍ଯ୍ଯେ ଯିଏ ସୁମଧୁର ହାସେ
ପ୍ରେରଣା ଦାୟକ ବାକ୍ଯ ମୁଖେ ନିତି ଭାଷେ ।
ପ୍ରତି ପରି ଜନେ ମଣେ ଅତି ଆପଣାର
ପ୍ରୀତିର ପିୟୁଷ ବୁଣି ସବୁରୀ ଅନ୍ତର ।
କିଣି ନିଏ ଭରି ଦିଏ କେତେ ସରସତା
ରସମୟୀ ପ୍ରୀତିମୟୀ ଆହ୍ଲାଦମୟୀତା ।
ଭାବର ପ୍ଲାବନେ ପ୍ରାଣେ ପ୍ରାଣେ ସୁସାହସ
ସଂଚାରି ସବୁରୀ ମୁଖେ ଭରି ଥାଏ ହସ ।
ହସେ ରସେ ଦୂଶ୍ଯେ , ଭାଷେ , ସତତ ସନ୍ତୋଷେ
ସ୍ନେହ ମନ୍ଦାକିନୀ ଧାରେ ଅମୀୟ ବରଷେ ।
ଯାବତୀୟ ଗୃହ କର୍ମେ ନାରୀ ହିଁ ନିପୁଣା
ନାନା ଚିତ୍ରେ ଓ ଝୋଟିରେ ସଜାଏ ଅଗଣା ।
ପୂଜା ପାଠ ପରି ଯେତେ ପୂଣ୍ଯ ପୂତ କର୍ମ
ସବୁଠି ଅଗ୍ରଣୀ ସାଜେ ନାରୀ ଯୋଗୁଁ ଧର୍ମ ।
ଯଶ ,ଧନ , ଗୋପ , ଲକ୍ଷ୍ମୀ ସୁଖ୍ଯାତି ଇତ୍ଯାଦି
ପ୍ରତି ଗୃହେ ଯଥାର୍ଥରେ ଥାଏ ବୃଦ୍ଧି ପାଇ ।