Library
Profile
ଗୃହ ବନ୍ଦୀ - 9
ଗୃହ ବନ୍ଦୀ - 9
1 min
24K
ସ୍ପଷ୍ଟ ଦିବାଲୋକରେ
କାହା ହାତ ସ୍ପର୍ଶରେ
ନିଦ୍ରା ଭାଜି ଯାଏ
ତତଲା ନିଃଶ୍ବାସର
ପ୍ରଖର ଉଷ୍ଣତା ଆଉ
ମୁକୁଳା ଶରୀରର
ବିବଶତାରେ ll
ଦୂରକୁ ଦୂରକୁ ସ୍ବପ୍ନ ସବୁ
ଭାସିଯାଏ
ମହାକାଶର ଅଜଣା ମୁଲକକୁ
ନୂତନ ପ୍ରଜାତିର ସନ୍ଧାନ
ଅବଶୋଷରେ ll
ରକ୍ଷଣଶୀଳ ସମାଜର
ନିୟତି ଆଇନ୍ କାନୁନ୍
ସବୁ ଜଳାଞ୍ଜଳୀ ଦେଲାପରେ
ଲଜ୍ଜାହୀନ ପ୍ରାୟେ
ଦୋଷ ସ୍ବୀକାରର
ଆତ୍ମଗ୍ଲାନିରେ ll
ଚାତକ ପକ୍ଷୀର ଅହରହ
ଆଶା ଭଳି
ଆକାଶର ପତିତ ଜଳକୁ
ପାନ କରିବାର ଆକାଂକ୍ଷାରେ
ପ୍ରୟାସରତ ବାରମ୍ଵାରେ ll
ଗୃହବନ୍ଦୀ ଜୀବନଟା
ବଡ ଅସହଜ
ତୁମ ବିନା
ଏ ଜ୍ୱାଳା ଯନ୍ତ୍ରଣା
ପ୍ରଶମିତ କେବେ ହେବ
ସେଇ ପ୍ରତୀକ୍ଷାର ଅନ୍ତକୁ
ଚାହିଁ..
ନବମ ଦିବସରେ ଉପନୀତ ll
