ଗୋଟେ କଥା କହିବି

ଆସିବ ଯଦି ତୁମେ ମୋ ସ୍ଵପ୍ନରୁ ବାହାରି

ଗୋଟେ କଥା କହିବି,

ହସିବ ଯଦି ତୁମେ ମୋ ଓଠରେ ଥାଇ

ଗୋଟେ କଥା କହିବି।

ରହିବ ଯଦି ମୋ ମଥାର ସନ୍ଥକ ହେଇ

ଗୋଟେ କଥା କହିବି,

ଚାଲିବ ଯଦି ମୋ ପାଦରେ ପାଦ ମିଶାଇ

ଗୋଟେ କଥା କହିବି।

ତୁମ ଅଗଣାର ତୁଳସୀ ଚଉରା ମୋ ହାତୁ ହସିବ ଯଦି

ଗୋଟେ କଥା କହିବି

ତୁମ ସଂସାରର ଅଳନ୍ଧୁ ସବୁ ମୋ ହାତୁ ଖସିବ ଯଦି

ଗୋଟେ କଥା କହିବି।

ତୁମ ବାଁ ପାଖେ ମୁଁ ଶୋଭା ପାଇବି ଯଦି

ଗୋଟେ କଥା କହିବି,

ତୁମରି ପାଦରେ ଅର୍ପିତା ହେଇ ରହିବି

ହଁ ଏକଥା କହିବି।