ଗଙ୍ଗା ଯେ ଦେଶେ ବହେ

ଗଙ୍ଗା ଯେଦେଶରେ     ବହେ ନିରନ୍ତରେ

     ସେହି ମୋ ପବିତ୍ର ଭୂଇଁ

ଏଭଳି ଦେଶରେ     ଜନମ ହେବାରେ

     ଗଉରବ ଆମ ପାଇଁ ।

ଅନେକ ପ୍ରଦେଶ     ଏହି ଆମ ଦେଶ

     ଯାହାର ନାମ ଭାରତ

ନାନା ଜାତି ଧର୍ମ     ଭିନ୍ନ ଭିନ୍ନ କର୍ମ

     ଆମ ଦେଶେ ପ୍ରଚଳିତ ।

ଆମରି ଆଦର୍ଶ     ଏ ଭାରତ ବର୍ଷ

     ସାରା ଜଗତରେ ନାହିଁ ।

ଏ ମାଟିରୁ ଯାତ     ବହେ ଅବିରତ

     ଗଙ୍ଗା ଆଉ ଗୋଦାବରୀ

ଅମୃତ ସମାନ     ଜଳ କରେ ଦାନ

     କୃଷ୍ଣା,ନର୍ମଦା କାବେରୀ ।

ଛୋଟବଡ଼ ନଈ     ଯାଏ କେତେ ବହି

     ମାଆମାଟି ପାଦ ଧୋଇ ।

ମୁକୁଟ ଯାହାର     ସବୁଠୁ ସୁନ୍ଦର

     ହିମାଳୟ ପରବତ

ଯେତିକି ପବିତ୍ର     ସେତିକି ବିଚିତ୍ର

     ଆମ ସୁନାର ଭାରତ ।

ଦେଶର ସୁରକ୍ଷା     ହେଉ ଆମ ଶିକ୍ଷା

     ଏକତାରେ ଥିବା ରହି।