ଗଜପତି ମହାରାଜା
ଗଜପତି ମହାରାଜା
ଭୋଇବଂଶୁ ହୁଏ ଗଜପତି ରାଜା
ଖଣ୍ଡାୟତଙ୍କର ଅଂଶ
ଜଗନ୍ନାଥଙ୍କର ଶ୍ରେଷ୍ଠ ଭକ୍ତ ସେହୁ
ପ୍ରଭୁଙ୍କ ସେବାର ଅଂଶ ।
ପ୍ରଭୁଙ୍କ ସେବାରେ ହେଳା ନକରିଣ
ଦାୟିତ୍ୱ ରଖନ୍ତି ପାସେ
ପ୍ରଭୁଙ୍କ ପୂଜନେ ନିଅଣ୍ଟ ନହେଉ
କର୍ତ୍ତବ୍ୟ ହିଁ ତାଙ୍କ ପାସେ ।
ମହାରାଜା ସେହୁ ଜନତା ପାଳନେ
ପ୍ରଭୁଙ୍କର ହିଁ ସେବକ
ପ୍ରଭୁଙ୍କ ସେବାରେ ସମର୍ପଣ ଭାବ
ବଡ଼ଦେଉଳ ସେବକ ।
ଛେରା ପହରା ସେ କରନ୍ତି ରାଜନ
ଜଗନ୍ନାଥ ରଥେ ରହି
ମାଉସୀ ଘରକୁ ଯିବେ ଜଗନ୍ନାଥ
ରାଜାଙ୍କ ଗୌରବ ଏହି ।
ଛେରା ପହରା ହିଁ କରିଲେ ରାଜନ
ବିଘ୍ନ ନଘଟିବ ରଥେ
ଗଜପତି ରାଜା ପରମ ଭକ୍ତ ସେ
ଆଣନ୍ତି ଗୌରବ ରଥେ ।
ସୁବର୍ଣ୍ଣ ଝାଡୁରେ ଛେରା ପହଁରା ହିଁ
ଗଜପତିଙ୍କର କର୍ମେ
ସେହି କର୍ମପଥେ କର୍ମ ହିଁ କରନ୍ତି
ଗଜପତିଙ୍କର ଧର୍ମ ।
କର୍ମୀକ ସେହି ହିଁ ଧାର୍ମିକ ସେହି ହିଁ
ପ୍ରଭୁଙ୍କର ଶ୍ରେଷ୍ଠ ଭକ୍ତ
ରାଜାଙ୍କର ଆତ୍ମା ଜଗନ୍ନାଥେ ସ୍ଥିତ
ଈଶ୍ବରୀୟ ଏହି ଭକ୍ତ ।
ଭୋଇବଂଶୁ ହୁଏ ଗଜପତି ରାଜା
ଖଣ୍ଡାୟତଙ୍କର ଅଂଶ
ଜଗନ୍ନାଥଙ୍କର ଶ୍ରେଷ୍ଠ ଭକ୍ତ ସେହୁ
ପ୍ରଭୁଙ୍କ ସେବାର ଅଂଶ ।