ଘୁଞ୍ଚୁଅଛି ଅଦୃଶ୍ୟ ରୋଗ

ଜଗନ୍ନାଥ କୃପା ପଡ଼ିଲାଟି ଏବେ

ଭକ୍ତଙ୍କ ଭକ୍ତିର ଡାକେ

ଘୁଞ୍ଚୁ ଅଛି ଏବେ ଅଦୃଶ୍ୟ ରୋଗଟି

ନିସ୍ବାର୍ଥ ଭକ୍ତିର ଡାକେ ।

ବଡ଼ଦେଉଳରୁ ଗୁହାରି ଶୁଣିଲେ

ଦୀର୍ଘ ଦିନ ପରେ ଏବେ

ନୀରୋଗର ଦୃଶ୍ୟ ପ୍ରକାଶିତ ହେଲା

ସତେକି ଦେଶରେ ଏବେ ।

ହାହାକାର ରାବ ଘୁଞ୍ଚି ଗଲା ଦେଶୁ

ରୋଦନର ରାବ ନାହିଁ

ଉନ୍ନତିର ପଥ ପ୍ରଦର୍ଶିତ ହୁଏ

ଚିନ୍ତାର କାରଣ ନାହିଁ ।

ଆଗାମୀ ସମସ୍ୟା ସମାଧାନ ପାଇଁ

ସମର୍ପିତ ଦେଶ ଆଜି

ତା ସଙ୍ଗେ ପଡ଼ିଛି ପ୍ରଭୁ ଆଶିର୍ବାଦ

ନୂଆ କଳେବର ଆଜି ।

ସୁରକ୍ଷିତ ହୋଇ କାର୍ଯ୍ୟ କରୁଥିବା

ତିନି ମନ୍ତ୍ର ହେବ ପ୍ରାଣେ

ମାସ୍କ ପିନ୍ଧିବା ହିଁ ଦୂରତା ରଖିବା

ଆବଶ୍ୟକ ହେଲା ପ୍ରାଣେ ।

କରୋନା ଟିକାର ପ୍ରୟୋଜନ ଅତି

ଟିକା ଲଗେଇବା ସର୍ବେ

ଟିକା ହୋଇ ଅଛି ମୃତ୍ୟୁ ସଞ୍ଜିବନୀ

ଗ୍ରହଣ କରିବା ସର୍ବେ ।

ଜଗନ୍ନାଥ ନାମ ସର୍ବଦା ଗାଇବା

ପ୍ରାଣେ ଅଳଙ୍କାର ସେହୁ

ତାଙ୍କ ବିନୁ ଗତି ନମିଳେ କାହାରେ

ପ୍ରଭୁ ଅର୍ନ୍ତଯ୍ୟାମୀ ସେହୁ ।

ଦୁର୍ଗମ ପଥକୁ ସୁଗମ କରନ୍ତି

ଦୟାନିଧି ଜଗନ୍ନାଥ

ଯାହା କିଛି ହୁଏ ତାଙ୍କରି ଈଙ୍ଗୀତେ

ଜଗତର ସେହୁ ନାଥ ।

ଦୁଃଖ ପରେ ଆସେ ସୁଖଦ ସମୟ

ପ୍ରଭୁଙ୍କ ଭିଆଣ ଏହୁ

ବିଚଳିତ ନୋହୁଁ ଜୀବନ ଆମର

ପ୍ରଭୁ ପଦେ ଭକ୍ତି ରହୁ ।

ଜଗନ୍ନାଥ କୃପା ପଡ଼ିଲା ଟି ଏବେ

ଭକ୍ତଙ୍କ ଭକ୍ତିର ଡାକେ

ଘୁଞ୍ଚୁ ଅଛି ଏବେ ଅଦୃଶ୍ୟ ରୋଗଟି

ନିସ୍ବାର୍ଥ ଭକ୍ତିର ଡାକେ ।