ଘଟଗାଁ ତାରିଣୀ
ଘଟଗାଁ ତାରିଣୀ
ନ ଶୁଣୁଛ ଗୁହାରି ମୋର ତୁ ମାଆ
ନ ଦେଉଛୁ ଧ୍ୟାନ କାହିଁକି ତୁ ମାଆ
ଶୁଣ ତୁ ମୋର ଗୁହାରି
କରୁଣା ହେଉ
ଚାହିଁ ଚାହିଁ ପ୍ରାଣ ଯାଉ
କରୁଣା ହେଉ ।
ଗାଉ ଥିବି ନାମ ପ୍ରାଣ ଯିବା ଯାଏ
କାହିଁ ଯିବି ନାହିଁ ପ୍ରାଣ ଥିବା ଯାଏ
ଦର୍ଶନ ମୁହିଁ କରିବି
ତୋତେ ଜନନୀ
ମୁହିଁ ରହି ଥିବି ଚାହିଁ
ତୋତେ ତାରିଣୀ ।
ଘଟଗାଁ ତାରିଣୀ ଶୁଣ ତୁ କାହାଣୀ
ମନବାଞ୍ଛା ପୂର୍ଣ୍ଣ କର ମା ତାରିଣୀ
ଶୁଣ ମା ତୁହି ଭବାନୀ
କରେ ମାଗୁଣି
ଦର୍ଶନ ଦିଅ ତାରିଣୀ
ଭକ୍ତ ମାଗୁଣି ।
ତୋର ନୈବେଦ୍ୟ ମା ନଡ଼ିଆ ପାଣି
ଦିଏ ନୈବେଦ୍ୟ ଲୋ ଭକତ ଆଣି
ଭରିଛି ନଡ଼ିଆ ଜାଣି
ଅତି ଆଦର
ଖାଉ ତୁ ମନକୁ ଜାଣି
ପ୍ରୀତି ଅପାର ।
କରୁଣା ତୁ କର ମା ନଜର କର
ଅଜ୍ଞାନୀ ଭକ୍ତକୁ ମା ହସ୍ତରେ ଧର
ଦିଶୁଛି ସାରା ଅନ୍ଧାର
ପଥରେ ମୋର
ଭକ୍ତି କରେ ନିରନ୍ତର
କରୁଣା କର ।