ଘୃଣା କରିବାର ନାହିଁ

ମଦୁଆ ମାନଙ୍କ କି କଥା କହିବି   

କାହାକୁ ଡ଼ରିବେ ନାହିଁ

ମଦୁଆ ମାନଙ୍କ କି କଥା କହିବି

କଥାରେ ହାରିବେ ନାହିଁ,

ଯେତେ ରେଟ ହେଉ ମଦ ବୋତଲ

ଯାଏ ଆସେ କିଛି ନାହିଁ

ସୁନା ବନ୍ଧା କରି ପିଇଦେବେ ସିନା

ମଦ ଛାଡିବେ ନାହିଁ,

ଯେଉଁଠାରେ ଖୋଲ ମଦ ଦୋକାନ

କିଛି କହିବାର ନାହିଁ

ମଦ ଟିକେ ପାଇଁ ସିନ୍ଧୁ ପାର ହେବେ

ଚାଲିଯିବେ ଧାଇଁ ଧାଇଁ,,

ଲୋଡାନାହିଁ ଘର ଲୋଡ଼ା ନାହିଁ ଦ୍ୱାର

ଯେଉଁଠି ଚାହିଁଲେ ଶୋଇବେ

ଧନ ଲୋଡ଼ା ନାହିଁ ମାନ ଲୋଡ଼ା ନାହିଁ

ମଦ ରେ ହିଁ ଶାନ୍ତି ପାଇବେ,

ସରକାରଙ୍କୁ ଚଲାନ୍ତି ସେମାନେ

ଅଧିକ ରାଜସ୍ୱ ଦେଇ

ପୁରସ୍କୃତ ପୁଣି ସରକାର କରନ୍ତି

ଯିଏ ବେଶି ମଦବିକୁଥାଇ,

ମଦୁଆ ବି ଜଣେ ଭଲ ନାଗରିକ

ଆମରି ରାଜ୍ୟ ପାଇଁ

ରାଜସ୍ୱ ଦେଉଛି ରାଜ୍ୟ ଚଳାଉଛି

ଘୃଣା କରିବାର ନାହିଁ ।