Library
Profile
ଘୃଣା କରେ ମୁଁ
ଘୃଣା କରେ ମୁଁ
ଟାଉଟରଙ୍କୁ
ଟାଉଟରୀକୁ
ଦଲାଲଙ୍କୁ
ଦଲାଲିକୁ
କଳାବଜାରୀଙ୍କୁ
କଳାବଜାରକୁ
ଅତ୍ୟାଚାରୀଙ୍କୁ
ଅତ୍ୟାଚାରକୁ
ହତ୍ୟାକାରୀଙ୍କୁ
ହତ୍ୟାକାଣ୍ଡକୁ
ଘୃଣା କରେ ମୁଁ ।
ପୁଞ୍ଜିବାଦକୁ
ପୁଞ୍ଜିବାଦୀଙ୍କୁ
ସାମ୍ରାଜ୍ୟବାଦକୁ
ସାମ୍ରାଜ୍ୟବାଦୀଙ୍କୁ
ମନୁବାଦକୁ
ମନୁବାଦୀଙ୍କୁ
ସମ୍ଭ୍ରାନ୍ତବାଦକୁ
ସମ୍ଭ୍ରାନ୍ତବାଦୀଙ୍କୁ
ଘୃଣା କରେ ମୁଁ ।
ଜାତିବାଦକୁ
ଜାତିପ୍ରଥାକୁ
ଜାତି ବାଦୀଙ୍କୁ
ସାମ୍ପ୍ରଦାୟିକତାବାଦକୁ
ସମ୍ପ୍ରଦାୟ ବାଦୀଙ୍କୁ
ବ୍ୟକ୍ତିବାଦକୁ
ବ୍ୟକ୍ତିବାଦୀଙ୍କୁ
ଶୋଷଣକୁ
ଶୋଷଣକାରୀଙ୍କୁ
ଘୃଣା କରେ ମୁଁ ।
ଦେଶ ବିକ୍ରିକୁ
ଦେଶ ବିକ୍ରେତାଙ୍କୁ
ଦେଶ ଦ୍ରୋହକୁ
ଦେଶ ଦ୍ରୋହୀଙ୍କୁ
ଶ୍ରେଣୀ ବାଦକୁ
ଶ୍ରେଣୀବାଦୀଙ୍କୁ
ସଘୃଣା କରେ ମୁଁ ।
ଅନ୍ୟାୟ, ଅନୀତି,
ଦୁର୍ନୀତିକାରୀଙ୍କୁ
ଅନ୍ୟାୟ, ଅନୀତି
ଦୁର୍ନୀତିଯୁକ୍ତ ବିଚାରଧାରାକୁ
ଧର୍ମ ନାମଧାରୀ
ଶୋଷଣକାରୀ
ପାଖଣ୍ଡିମାନଙ୍କୁ
ଦେଶ, ସମାଜ ବିନାଶକାରୀ,
ବିଧ୍ଵଂସକାରୀ ମଣିଷମାନଙ୍କୁ
ଘୃଣା କରେ ମୁଁ ।
ଶିକ୍ଷା, ସ୍ଵାସ୍ଥ୍ୟ, ଧର୍ମ ଓ
ଧର୍ମୀୟ ଭାବନାକୁ ନେଇ
ରାଜନୀତି କରୁଥିବା
ମଣିଷମାନଙ୍କୁ
ଅନ୍ଧବିଶ୍ୱାସ ସୃଷ୍ଟିକାରୀ
ଗଣତନ୍ତ୍ରର ହତ୍ୟାକାରୀ
ସମାଜବାଦର ବିରୋଧକାରୀ
ସାମ୍ୟବାଦର
ଭୂଲୁଣ୍ଠନ କାରୀମାନଙ୍କୁ
ଘୃଣା କରେ ମୁଁ ।
ଲୁଟିଖିଆ, ତଣ୍ଟିକଟା
ପରିବେଶ ଧ୍ଵଂସକାରୀ
ସାମାଜିକ, ରାଜନୈତିକ,
ଅର୍ଥନୈତିକ ବ୍ୟବସ୍ଥାକୁ
କ୍ଷତି ପହଞ୍ଚାଊଥିବା
ବ୍ୟକ୍ତି ବିଶେଷଙ୍କୁ
ସ୍ଵାର୍ଥପର, ପର ଅମଙ୍ଗଳକାରୀ,
ବିଶ୍ଵାସଘାତକ,
ସମାଜରେ ଆତଙ୍କ ରଚାଉଥିବା
ବ୍ୟକ୍ତି ବିଶେଷ ତଥା ଏପରି
ବିଷ ବୃକ୍ଷ ମାନଙ୍କୁ
ଘୃଣା କରେ ମୁଁ ।
ହିଂସା, ଦ୍ଵେଷ,
ଅଶାନ୍ତ ପରିବେଶ ସୃଷ୍ଟିକାରୀ
ବିଶ୍ଵ ଧ୍ଵଂସକାରୀ
ଯୁଦ୍ଧରେ ବିଶ୍ଵାସ ରଖୂଥିବା
ମଣିଷମାନଙ୍କୁ
ଦ୍ଵନ୍ଦ୍ଵରୁ ଫାଇଦା ଉଠାଊଥିବା
ମାନବ ରୂପୀ ହିଂସ୍ର ପଶୁ ମାନଙ୍କୁ
ଘୃଣା କରେ ମୁଁ ।
