ଗହ୍ମା ପୁନେଇଁ

ବାର ମାସେ ବାର ପୁନେଇ ରହିଛି

କେତେ ଯେ ପୁନେଇ ଆସିଛି ଯାଇଛି

ମନ ମୋ ଉଚ୍ଛନ୍ନ କାହିଁ

ରହିଛି ରାକ୍ଷୀକୁ ଚାହିଁ ll

ବାର ମାସେ ତେର ପରବ ଆସୁଛି

ମିଳିମିଶି କେତେ ପାଳନ କରିଛି

ରହିଛି ରହିବି ଚାହିଁ

ଆସିବ ଗହ୍ମା ପୁନେଇଁ ll

ହଳଧର ବଳଭଦ୍ରଙ୍କର ଜନ୍ମ

ସମସ୍ତ ଜାଣନ୍ତି ସେ ରକ୍ଷା ବନ୍ଧନ

ରହେ ଭାଇ ବାଟ ଚାହିଁ

ସେ ରାକ୍ଷୀ ବାନ୍ଧିବା ପାଇଁ ll

ଭାଇ ଭଉଣୀଙ୍କ ସେନେହ ବନ୍ଧନ

ଭୁଲି ଯାଏ ଯେତେ ମାନ ଅଭିମାନ

ବାନ୍ଧିଛି ସମ୍ପର୍କ ଡୋରୀ

କେମିତି ଯିବ ପାସୋରି ll

ଭାଇ ହାତେ ସିଏ ବାନ୍ଧି ଦିଏ ରାକ୍ଷୀ

ଲୋଡ଼ା ନାହିଁ ତାର ଅନ୍ୟ କିଛି ସାକ୍ଷୀ

ସୁରକ୍ଷା କବଚ ସିଏ

ସ୍ନେହ ଶ୍ରଦ୍ଧା ପ୍ରେମ ଥାଏ ll