ଗେହ୍ଲୀ ଭାରିଜା

ସରିଲା ବାହା ଆସିଲା ଭାରିଜା

ପାଇଲି ନୂଆ ନୂଆଫଗୁଣ ମଜା

ବାଉଳି ହୋଇ ଡାକିଲି ବାପାକୁ ଅଜା

ବିନା ଅପରାଧେ ଭୋଗିଲି ସଜା

କାନ୍ଧରେ ପକାଇ ଢୋଲିକି ବାଜା

ଗୀତ ଗାଇ ଶିଖି ଭାବିଲି ରଜା ।୧।

ଯେବେ ତୁମେ ହେଲ ବେକେ ଗୁଡେଇ

ବାଘରୁ ମୁଁ ହେଲି ବିଲେଇ

ମୋ ପରି ରାଗୁଆ ଧାନୁଆଁ ଲଙ୍କାକୁ

ତୁମ ପୀରତି ତେଲରେ ବୁଡାଇ ବୁଡାଇ

ଆଚାର କରି ଖାଇଲ ଆରାମେ ଲୁଣ ମଡାଇ 

ମୋଟା ନିଶ ପେଟ ମୋର ଦେଲ ଝଡାଇ ।୨।

ଲୁଚି ଲୁଚି ପୋଛେ ରୁମାଲେ ଲୁହ

ସାଙ୍ଗ ମେଳେ କହିପାରେନା କୋହ

ବାହାରକୁ ସିନା ଦିଶେ ମୁଁ ସିଂହ

ଘରେ ଡରୁଥାଏ ଦେଖି ଦେବୀଙ୍କ ମୁଁହ

ରାତିରେ ବାସ ତୁମେ ଭାରି ମହମହ

ଛାଡନି ବାହାରକୁ କି କାମ ଅଛି ସକାଳୁ ଆଗ କୁହ । ୩।

ଅଜଣା ତରୁଣୀର ଫୋନ ଉଠିଲେ ବାଜି

କିଏ କାହିଁକି କରୁଛି ନିଦ ଯାଏ ହଜି

କପାଳେ ଆବୁଟିଏ ଥୋଇ ଚଣ୍ଡୀରୂପ ସାଜି

ତକିଆଟା ଗୋଟାପୁଣି ଯାଏ ଭିଜି

ପାଇବନି ଆଉ ମୋତେ ହେଉଥିବ ଖୋଜି 

ବାହାବେଳେ କାହିଁ ମୁଁ ହେଲିନି ଅରାଜି ।୪।

କି କହିବି ମୁଁ ମୋ ଗେହ୍ଲୀ ଭାରିଜାର ଗୁଣ

ଶୁଝିପାରିବିନି ଏ ଜନମରେ ତାର ପୀରତିର ଋଣ ।।।।।