ଗଭୀର

' ଗଭୀର '

ଏ କଣ ଗୋଟେ ଶବ୍ଦ

ଏ ତ ଅନୁଭବ ଟେ

ଅଭିଜ୍ଞତା ,

ଘାଆ,

ସ୍ମୃତି ,

ସମୁଦ୍ରକୁ ବି ପୋଡେ ତା ' ପାଣିଆ ଦେହର

ଖଣ୍ଡିଆ ରେ ଟୋପେ ଲୁଣ ବାଜିଗଲେ ।।

ଗହୀର ଆକାଶରେ ବି ବାଦଲ ଫାଟେ

ଚିରିଦେଇ ମାଟିର ଛାତି ।।

' ଗଭୀର ' କଣ ଗୋଟେ ଶବ୍ଦ?

ଆଖି ର ମଖା ଲାଞ୍ଜି କଳା ଗାର ତଳେ

ଦିଶୁଛି କି କେତେ ରକମ ରକ୍ତ କୂପ?

ଦିଶୁଛି କି ଓଠ କଣରେ ଲାଖିଥିବା ହସଟିରେ

ଝୁଲିଥିବା ହରେକ କ୍ଷତ?

ଜୀବନ ଭିତରେ ନଈ ର ଖାଈ ସବୁ

ଅଙ୍କେଇ ବଙ୍କେଇ ପିଟୁଥାଏ ବାଟପଥର ସବୁରେ ମୁଣ୍ଡ,

ଚିହ୍ନ ଟେ ତ ହବ ହି

ପ୍ରଥମେ ଗୋଲାପି ପରେ ପରେ

ଶୁଖି ଚୋପାଛାଡି କଳା ତ

ପଡିବ ହି ।।

ଗହୀର ଆଉ କଣ କି !

ଗୋଟେ ଶବ୍ଦ ଟେ ତ ,

ବାସ୍ ଖୋଜୁଥାଏ ଆଳ

ବସିଯିବାକୁ

ଗୋଟିଏ ପାହାଚରେ ବହୁକାଳ

ପୋତି ଦେଇ ଛତା ।।