ଗାନ୍ଧୀ ଜୟନ୍ତୀ

ମୁକ୍ତିର ପଥ ସୁଗମ କରି

     ଜାଳିଲ ଆଲୋକ ଶିଖା

ହିଂସା ଆଚରଣ ଶତ୍ରୁତା ନୀତି

     ପଡିଗଲା ସବୁ ଫିକା ।

ଅହିଂସା ପୋଷାକ ତଳେ ଲୁଚିଅଛି

      ରକ୍ତ ର ଇତିହାସ

କେତେ ସଂଗ୍ରାମୀ ଙ୍କ ସହିଦ ଗାଥା

      ଗାଏ ବିପ୍ଲବୀ ଦେଶ । 

ହେ ମହାତ୍ମା ତୁମେ ଭାରତ ମାଆ ର

       ସୁଯୋଗ୍ୟ ସନ୍ତାନ ଟିଏ

କେତେ ଯେ କଥା କେତେ କାହାଣୀ

        ଆମ ଇତିହାସ କହେ ।

ଏହି ପବିତ୍ର ଭୂମିରେ ଭୂମିଷ୍ଠ ହୋଇ

        ମାଟି ହୋଇଗଲା ଧନ୍ୟ

ପ୍ରାତଃ ସ୍ମରଣୀୟ ହେ ବାପୁ ତୁମେ

     ଆଜି ଝୁରୁଛି ଭାରତ ଜନ ।

ସ୍ୱଚ୍ଛ ଭାରତ ସୁନାର ଭାରତ 

     ସ୍ୱପ୍ନ ଦେଖିଥିଲ ଦିନେ

କିଛି କିଛି ସ୍ୱପ୍ନ ହେଇଛି ପୁରଣ

   ତଵ କଥା ହେଜି ମନେ ।