Library
Profile
ଗାଁ ବଦଳିଛି
ଗାଁ ବଦଳିଛି
ଦିଶୁ ନାହଁ ମାଟି ଯେ ଗାଁ ଦାଣ୍ଡରେ
ଉଡୁ ନାହିଁ ଧୂଳି ଗୋଧୂଳି ବେଳେ
ଚିକ୍କଣ ସଡ଼କ ପଡ଼ିଛି ମେଲା
ବୃକ୍ଷ ଲତା ନାହିଁ ଦିଶୁଛି ଖୋଲା ll
ଫସଲ ଫଳୁନି ବିଲରେ ଆଉ
କୋଇଲି ଗାଉନି ତାମିଠା କୁହୁ
ସାତ ସପନ ତ ଯାଇଛି ହଜି
ସଭିଏଁ ନିରବ ନିଶ୍ଚଳ ଆଜି ll
ଶଗଡ଼ ଗଡୁନି ଯେ ଗାଁ ଦାଣ୍ଡରେ
ଦିଶୁନାହିଁ ଯୋଗୀ କେନ୍ଦେରା ଆଉ
ଜୀବିକା ସଙ୍କଟରେ ପଡ଼ିଛି
ମୁହେଁ ଲାଜ ପେଟ ପୋଡିଯାଉଛି ll
ଆମ୍ବ ଗଛଟା ନାହିଁ ଗାଁ ମଝିରେ
ନୂଆ କ୍ଲବ ଘର ଗୋଟେ ହେଇଛ
ନିଇତି କେତେ ଲୋକଙ୍କର ଭିଡ଼
ଦିନରାତି ଚାଲିଛି ତାସ ମାଡ଼ ll
ଦିଶୁ ନାହିଁ କୂଅ ପୋଖରୀରେ ସ୍ନାନ
&n
bsp; ଘରେ ବଡ଼ ପାଣି ଟାଙ୍କି ବସିଛି
ବହୁନି ଆଉ ମଳୟ ପବନ
ମାଟି ବାସୁନି ଚନ୍ଦନ ଚନ୍ଦନ ll
ରଜଦୋଳି ଗୀତ ଆଉ ଶୁଭୁନି
ପରିବେଶ ଧୀରେ ନଷ୍ଟ ହେଲାଣି
ବରଷା ହେଉନି ଶ୍ରବଣ ମାସେ
ସବୁ ଋତୁ ସବୁ ମାସରେ ମିଶେ ll
ସଂସ୍କୃତି ସଭ୍ୟତା ଏବେ ତ ନାହିଁ
ଭଜନ କୀର୍ତ୍ତନ ଆଉ ଶୁଭୁନି
ଏବେ ତ ଆଧୁନିକ ପଶିଛି
ଏବେ ଆଧ୍ୟାତ୍ମିକ ସ୍ୱପ୍ନ ଲାଗୁଛି ll
ବଦଳିଛି କେତେ ଜାତିର କଥା
ଗୁରୁଜନ କଥା ଲାଗୁନି ମିଠା
ସ୍ନେହ ଶ୍ରଦ୍ଧା ଭକ୍ତି ଆଉ ଯେ ନାହିଁ
ଗାଁ ବଦଳିଛି ତ ସନ୍ଦେହ ନାହିଁ ll
