ଗାଁ ଆ ହାଲଚାଲ

ବରଷା ନାହିଁ ଶୀତବି ନାହିଁ

ବାର ମାସକ ଖରା

ଆସେନା ଋତୁ ଗ୍ରୀଷମ ହେତୁ

ଉତପ୍ତ ହେଲା ଧରା

ଝିଅ ବୋହୁର ନାହିଁ ସିନ୍ଦୂର

ଫେସନ କେତେ କରି

ଫୁଙ୍ଗୁଳା ବେଷ ମୁକୁଳା କେଶ

ବୁଲନ୍ତି ଫିରି ଫିରି

ଫୋଅନ ବିନା ଦିନ ସରେନା

କାମରେ ନାହିଁ ମନ

ସ୍କୁଟି ମଟରେ ସାଥି ମେଳରେ

ବୁଲିଲେ ରାତି ଦିନ

ଦାସ କାଠିଆ ହେଉନି ପାଲା

ପୁରାଣ ଭାଗବତ

ଟିଭି ସିନେମା ଲଙ୍ଗୁଳି ଡ୍ରାମା

ମେଲୋଡି ନାଚ ଗୀତ

ଯୁବକ ଗଣ ହେଲେ ଉଚ୍ଛନ୍ନ

ହୋଇଲେ ଦଳା ଦଳି

ମଦ ନିଶାରେ ମାତାଲ ହେଲେ

ବୋବାଳି କରତାଳି

ଟାଉଟରଙ୍କ ଭାଉ ଅନେକ

ହୋଇକି କୁଜି ନେତା

ଲାଞ୍ଚ ମିଛରେ ସ୍ଵାର୍ଥ ବଶରେ

ଖାଇ କି ହେଲେ ଦାତା

ଗାଆଁ ମମତା ନାହିଁ ଏକତା

ଈର୍ଷା,ଦ୍ଵେଷରେ ମାତି

ରାଜନୀତିରେ ରକତ ଧାରେ

ଚାଲିଛି ପ୍ରିୟା ପ୍ରୀତି

ହଜି ଗଲାଣି ଚାଲି ଚଳଣି

ସଭ୍ୟତା ସିଷ୍ଟାଚାର

ସମ୍ମାନ ନାହିଁ ଭକତି ନାହିଁ

ଗୁରୁଜନଙ୍କୁ କାର

ଗାଆଁର ମୋହ ଆଣଇ କୋହ

ଅବସାଦରେ ମନ

ମୋ ଗାଆଁ କଥା ଦିଅଇ ବ୍ୟଥା

ଭାବିଲେ ସେହି ଦିନ

ଅତୀତ ତାର କିମନୋ ହର

ଆସିବ ନାହିଁ ଫେରି

ତଥାପି ତାର ଶୋଭା ସମ୍ଭାର

ମନରେ ହୁଏ ଘାରି