😊😊😊ଗୄହସ୍ତ ଧର୍ମ😊😊😊

ଗୄହସ୍ଥ ଧର୍ମଟି ଶ୍ରେଷ୍ଠ ଧର୍ମ ଅଟେ

ପ୍ରଭୁଙ୍କ ବଚନ ଏହି

ପରିବାର ଜନେ ଖୁସିରେ ରହିବେ

ଗୄହସ୍ଥ ଧର୍ମଟି ସେହି।୧।

କର୍ମୀ ହୋଇ ନିତି କର୍ମ କରୁଥିବି

ମାନବ ଧର୍ମଟି ଏହି

ନିଃସ୍ୱାର୍ଥ କର୍ମରେ କୁଟୁମ୍ବ ପାଳିବି

ଦୁଃଖରେ ନୁହନ୍ତୁ କେହି।୨।

ଖୁସି ହେଉ ଥିବେ ପରିବାର ଜନେ

ଉତ୍ସାହ ମିଳିବ ତହିଁ

ପ୍ରଭୁ ପଦେ ସଦା ଭକ୍ତି ରଖି ଥିବି

ଜନ ସେବୁ ଥିବି ମୁହିଁ।୩।

ଏପରି ସୁଯୋଗ ପ୍ରାଣେ ଭରି ଦିଅ

ପ୍ରଭୁ ଜଗତର ସାଇଁ

ଦୁର୍ଲ୍ଲଭ ଜୀବନ ପବିତ୍ର କର ହେ

ଡାକୁଥିବି ନିତ୍ୟେ ମୁହିଁ।୪।

ସବୁ କ୍ଷେତ୍ରେ ମତେ କରୁଣା କର ହେ

ପୂରା କରୁ ଥିବି ମୁହିଁ

ନିଃସ୍ୱାର୍ଥ କାର୍ଯ୍ୟରେ ସବୁ ସିଦ୍ଧି ହେଉ

ପ୍ରାର୍ଥନା କରୁଛି ମୁହିଁ।୫।

ତବ ବିନୁ ପ୍ରଭୁ ଗତି ନାହିଁ ମୋର

ସର୍ବୋପରି ଅଟ ମୋର

ଜପି ଜପି ନାମ ଏ ପ୍ରାଣ ଯାଉ ହେ

ଏତିକି ଗୁହାରି ମୋର।୬।

ଜଗନ୍ନାଥ ପ୍ରଭୁ ପଥିକ କର ହେ

ସୁପଥେ ଜୀବନ ଯାଉ

ଜୀବନ ଦେଇଛ ଯେଉଁ କାରଣରୁ

ସାର୍ଥକ କରଟି ସେଉ।୭।

ଗୄହସ୍ଥ ଧର୍ମଟି ଶ୍ରେଷ୍ଠ ଧର୍ମ ଅଟେ

ପ୍ରଭୁଙ୍କ ବଚନ ଏହି

ପରିବାର ଜନେ ଖୁସିରେ ରହିବେ

ଗୄହସ୍ଥ ଧର୍ମଟି ସେହି।୮।