ଏମିତିକା ତୁମେ
ଏମିତିକା ତୁମେ
ତୁମକୁ ଦେଖିଲେ ଫୁଲେଇ ଫଗୁଣ
ଓଢଣା ଫାଙ୍କରୁ ହସେ
ଋଷିଗଲେ ଥରେ କୃଷ୍ଣଚୂଡା ବି
ଲାଜେଇ ଝପଟି ବସେ
ଫଗୁ ରଙ୍ଗ ପରି ବାସେ
ତୁମ ବାସ୍ନାରେ ଆମ୍ବ ବଉଳଇ
କୋଇଲି ବିରହୀ ଦିଶେ ।।
ରାଜହଂସୀ ତୁମ ଚାଲିରେ ବାରିଦ
ଝିପିଝିପି ଆଖି ମାରେ
ମେଘମହ୍ଲାର ଫିକା ପଡିଯାଏ
ପାଦର ପାଉଁଜି ସୁରେ
ଚକୋରୀ ବି ଲାଜେ ମରେ
ମଳୟ ପବନ ଗଛ ପତରରେ
ତୁମ ପାଇଁ ନୃତ୍ୟ କରେ ।
ତୁମରି ଛୁଆଁରେ ଫଗୁଣ ପବନେ
ମିଠା ମିଠା ଯେ କବିତା
ତୁମ ଓଠ ତଳୁ ହସ ପାଖୁଡାରେ
ଗଳପ ଧାଡି ସାଇତା
ଶୁଣେ ବସି ସେହି କଥା
ଗଳ୍ପରୁ କାହାଣୀ କାହାଣୀରୁ ପ୍ରେମ
ଲେଖା ତୁମ ମୋ କଥା ।।