ଏମିତି ଏ ଜୀବନ

ଧନ୍ୟ ହେଲି ଆଜି

ବୁଝି ପାରି ଜୀବନର ଅଜବ ରହସ୍ୟ

ଆଜି କାହିଁକି ଖୁସିଠାରୁ

ଓଠର ହସ ହେଲାଣି ବେଶୀ ଜରୁରୀ

ଅସଲ ଭାବନାକୁ

ଦଳି ଚିପୁଡ଼ି ବାହାନା ବାଜି କାହିଁକି

ଅସହଜ ହେଲେବି ସହଜ ହେଲାଣି

ନିଜଲୋକ ଅଚିହ୍ନl ହୋଇ

ପରିଚୟ ମାଗିବା ହେଲାଣି ନିଆରା ପରମ୍ପରା

ଆଉ ବାସ୍ତବତାକୁ ଭୁଲି

ବର୍ଷାରେ ଭିଜି ଭିଜି

ଅଭୁଲା ସ୍ମୃତିକୁ ସାଉଁଟି

ଲୁହରେ ଆଖି ମାନଙ୍କୁ ଓଦା କରିବା

ପାଲଟିଗଲାଣି ଆଧୁନିକ ସଂସ୍କୃତି

ପ୍ରେମ ବଦଳରେ ଛଳନା

ଆଉ ସତକୁ ମିଛର ବାଦଲରେ ଢାଙ୍କିବାର ଅଜବ ପ୍ରୟାସ

ହେଲାଣି ଚିରାଚରିତ ବ୍ୟାପାର