ଏମିତି ଭାବ

ଏମିତି ଭାବ ଟେ ଦିଅ ହେ ସାଆନ୍ତ

      ନିତିଦିନ ତୁମକୁ ଭଜିବି

ସେ ଭାବ ରେ ତୁମକୁ ଚାହିଁ ହେ ସାଆନ୍ତ

       ଦୁଃଖ ସବୁ ଭୁଲି ଯିବି

ଏମିତି ଭାବ ଟେ।

ଜୀବନ ରେ ତୁମକୁ ମାଗେନି କିଛି

ତୁମରି ଶ୍ରୀକ୍ଷେତ୍ର ରେ ଶାନ୍ତି ମିଳୁଛି

ତୁମରି ନାମ ରେ ହଜି ଯାଉଅଛି

ହୃଦ କନ୍ଦର ରେ ତୁମକୁ ଦେଖୁଛି ।

ଏମିତି ଜାଗା ଟେ ଦିଅ ହେ ସାଆନ୍ତ

      ନିରଳାରେ ଗୁଣ ଗାଇବି

ସେଇ ଜାଗା ରେ ତୁମ ଗୁଣକୁ ଗାଇ 

      ତୁମ ପାଇଁ ସାଆନ୍ତ ନିଜକୁ ଭୁଲିବି

ଏମିତି ଭାବ ଟେ ।

ଧନ ପାଇଁ ଆଶା ନ ରହୁ ମୋହର

ତୁମେ ତ ପରମ, ଧନ ଭକତ ର

ସାଥି ହୋଇ ନାହିଁ କେହିତ ମୋହର

ତୁମ ବନ୍ଧୁ ହେଲେ, ଡର ନାହିଁ ମୋର ।

ଏମିତି ମନଟେ ଦିଅ ହେ ସାଆନ୍ତ

        ତୁମକୁ ନିତି ସେ ମନେ ଦେଖିବି

ମନ ମନ୍ଦିର ରେ ତୁମକୁ ଦେଖି

         ଆନନ୍ଦରେ ସାଆନ୍ତ ବୁଡି ଯାଉ ଥିବି ।