ଏଲିଆନ

ପୃଥିବୀ ପୃଷ୍ଠରେ         ଜୀବର ଜୀବନ

        ସ୍ଥିତି ଅଛି ଆମେ ଭାବୁ

ଧରିତ୍ରୀ ବାହାରେ        ବିଶ୍ୱ ବ୍ରହ୍ମାଣ୍ଡକୁ

        କେବେ ଭାବିଛକି ସବୁ l

ଅସଂଖ୍ୟ ତାରକା       ଗ୍ରହର ମେଳରେ

         ସୃଷ୍ଟି ବିଶ୍ୱ ବ୍ରହ୍ମାଣ୍ଡର

ସୌରଜଗତର         ଜୀବର ଗ୍ରହଟି

        ପୃଥିବୀ ଗ୍ରହ ଆମର l

ଏଲିଆନ ଜୀବ        ପୃଥିବୀ ବାହାର

       ଅନ୍ୟ ଗ୍ରହର ଜୀବନ

ଜ୍ଞାନରେ ନିପୁଣ         ଯାନ ଚମତ୍କାର

       ଅନ୍ୟ ଗ୍ରହ ପ୍ରଦକ୍ଷଣ l

ଆକାରେ ବାଙ୍ଗର        ପ୍ରାୟତଃ କାଟୁନ

        ଦର୍ଶନେ ଅତି ସୁନ୍ଦର

ଚାଲେ ଢଳି ଢଳି         ପେଙ୍ଗୁଇନ ପରି

      କାମ ତାର ରୋବଟର l

ଦେଖିବାକୁ ଛୋଟ        ରଙ୍ଗଟି ସବୁଜ

      କାମ ସତେ ଯାଦୁଗର

ଥାଳିଆ ଯାନରେ        ଆକର୍ଷି ନିଅଇ

      ଜୀବ ଜନ୍ତୁ ଦ୍ରବ୍ୟ ଘର l

ଏଲିଆନ ପାଇଁ        ବିଜ୍ଞାନୀ ସନ୍ଧାନୀ

       ଜାଣିବା ପାଇଁ ତତ୍ପର

ଟିଭି ସିରିୟଲ        ଦେଖିବାକୁ ପିଲେ

      ହୋଇଥାନ୍ତି ଆଗଭର l

ଅଦ୍ଭୁତ ଚଳଣି         ଭାଷାତ ଅବୁଝା

       ରୋବଟ ଭଳି ଚାର୍ଜିତ

ଖାଦ୍ୟାଭାସ ତାଙ୍କ      ଜଣାପଡେ ନାହିଁ

      ଭାବିଲେ ହେଵା ଚକିତ ।

ଅନ୍ୟ ଗ୍ରହ ପରେ     ଜୀବନ ସତ୍ତାର

      ହୋଇଥାଏ ଅନୁଭବ

ଲକ୍ଷ ଲକ୍ଷ ଗ୍ରହ      ଅଛି ବ୍ରହ୍ମାଣ୍ଡରେ

      କିଏ ବା କରେ ହିସାବ l

ପୃଥିବୀ ପୃଷ୍ଠର       ଜ୍ୟୋତିଷ ବିଜ୍ଞାନୀ

       କରନ୍ତି ଅନୁସନ୍ଧାନ

ମହାକାଶ ଯାନ       ପଠାଇ ଆକାଶେ

      ଗ୍ରହ କରନ୍ତି ସନ୍ଧାନ l

ସାଧାରଣ ନର       ବୁଝିତ ପାରେନା

       ସୃଷ୍ଟିର ଏ ବିଚିତ୍ରତା

ସଂସାର ସୃଷ୍ଟିର       ମାଲିକ ଈଶ୍ୱର

     ହୋଇଥାନ୍ତି ସର୍ବକର୍ତ୍ତା l