ଏକତରଫା ପ୍ରେମ ମଜାରେ ମଜାରେ .....

ମଜା ମଜାରେ ହେଉ ବା ସତରେ ହେଉ,

କିଛି ତ କାହାଣୀ ଅଛି ଆମର।

ସେ କାହାଣୀର ନାମ କିଛି ନାହିଁ,ହେବନି ବି କେବେ,

ହୃଦୟରେ ରହିବ ହୋଇ ଅମର।

ହଁ କହିପାର ତୁମେ,ଏହା ମୋ ପିଲାଳିଆମି,

ବଡ ହୋଇ କିଏ କରିବ ହୋ ପାଗଳାମି।

ଠିକ୍ ଅଛି ମୁଁ ମୋ ଜାଗାରେ,

ଠିକ୍ ଅଛ ତୁମେ ତୁମ ଜାଗାରେ।

ନା ଅପେକ୍ଷା ଅଛି,ନା ଅଛି ଉପେକ୍ଷା,

ନା ଫଳାଫଳ ଅଛି,ନା ଅଛି ପରୀକ୍ଷା।

ସ୍ବୀକାର କରିବାରେ କିଛି ଆପତ୍ତି ବି ନାହିଁ,

ସ୍ବୀକାର ଅଧିକାରର ବି ଅନୁମତି ନାହିଁ।

ବନ୍ଦ ଥାଉ ସେ କୋଠରୀର ଅନ୍ଧାର କୋଣ,

କାହିଁକି ଉଠେଇବା ନ କରି ଅନୁସରଣ।

ଦୂରେ ଥାଅ ପଛେ,ନାମରେ ଥାଉ ଓଜନ,

ବ୍ୟର୍ଥନାୟିକାର ତୁମେ ନାୟକ ଯେ ମହାନ।