ଏକତା ହିଁ ଅଟେ ବଳ

ସମସ୍ତ ଆଙ୍ଗୁଠି ନୁହଁନ୍ତି ସମାନ,

ବଡ କିଏ ଛୋଟ ।

କିଛି ଗୋଟେ କାମ କରିବା ବେଳକୁ,

ଏକାଠି ହୁଅନ୍ତି ଭେଟ ।।

ମୁଠା ଖୋଲିଦେଲେ ହୁଅନ୍ତି ଅଲଗା,

ନିଜ ନିଜ ସ୍ଥାନେ ରହି ।

ଦରକାର ବେଳେ ହୁଅନ୍ତି ଏକାଠି,

ଶକ୍ତ ମୁଠା ହୋଇଯାଇ ।।

ଗୋଟେ ଆଙ୍ଗୁଠିକୁ ଭାଙ୍ଗି ତ ପାରିବା,

ଭାଙ୍ଗି ନ ପାରିବା ମୁଠା ।

ଏହାର କାରଣ ଅତି ସାଧାରଣ,

ଯୁଝିଲା ବେଳକୁ ଗୋଟା ।।

ସମାଜକୁ ଏହା ଦିଅଇ ବାରତା,

ଏକାଠି ରହିବା ପାଇଁ ।

ତଥାପି ଦୁନିଆ ହୁଏ ଦିଗହରା,

ବୁଝିପାରେ ନାହିଁ କାହିଁ ?

ଆଙ୍ଗୁଠିଙ୍କଠାରୁ ଶିଖ ଏ ଗୁଣକୁ,

ଆସିଛି ଆଜି ଏ ବେଳ ।

ଏକାଠି ରହିଲେ ହୋଇବ ବିକାଶ,

ଏକତା ହିଁ ଅଟେ ବଳ ।।