ଏକେଲା ଚାଲରେ

ଜୀବନ ପଥରେ ପଥିକ ନିଜେ ତୁ

କାହିଁ ଖୋଜୁ ସାଙ୍ଗ ସାଥି ।

ଚାଲିବାକୁ ହେବ ପଥ ବହୁ ଦୂର

ନ ଦେଖି ଚାଲେରେ ତିଥି।।

ପଥରେ ତୋହର ହଜାରେ ପଥର

କଣ୍ଟା କେତେ ପଡ଼ି ଅଛି ।

ପୟରୁ ରୁଧିର ନୟନରୁ ଝର

ଚାଲିବା ହାତରେ ପୋଛି ।।

ମାର୍ଗେ ନଦୀ ନାଳ ସିନ୍ଧୁ ପୂର୍ଣ୍ଣ ଜଳ

ପାରିବାକୁ ହେବ ତତେ ।

ହାତରେ ଆହୁଲା ବାହିଣ ଯେ ନାଆ

ଲାଗିବୁ କୂଳେଟି ସତେ ।।

ରାସ୍ତାରେ ତୋହର ମନୁଷ୍ୟ ହଜାର

ଥିବେ ପଥ ଭ୍ରଷ୍ଟ ପାଇଁ ।

ମନର ଗୁରୁକୁ ପଚାରିଣ ତୁହି

ଜିବୁରେ ଆଗକୁ ଧାଇଁ ।।

ମୁଖକୁ ଫେରେଇ ନେବେ ଟି ଅନେକ

କହିବେନି କଥା କିଛି ।

ଚାଲିବାକୁ ହେବ ପଥ ଯେ ଅନେକ

ବାକି ପଥ ବହୁ ଅଛି ।।