ଏକାକୀର ସଂଳାପରେ
ଏକାକୀର ସଂଳାପରେ
1 min
158
ପକ୍ଷୀ ଗୋ ତୁମେ
ଓହ୍ଲାଇ ଆସ
ହୃଦୟରେ ମୋର ବସ,
ତୁମେ ମତେ କିଆଁ
ପର କରୁଅଛ
ବସି କିଛି ଗପ ଭାସ ।
ହୃଦୟଟି ମୋର
ଖୋଲା ସବୁବେଳେ
ତୁମରି ଡେଣାର ତଳେ,
ଚାଲିଆସ ମୋର
ବିହଙ୍ଗୀ ଛବିଳୀ
ଉଡି ଯିବା ଝାଉଁ ଡାଳେ ।
ତୁମ ବିନା ଆଜି
ଏକାକୀ ମୁଁ ଏଠି
ନାହିଁ କେ ନିଜର ମୋର,
ତୁମେ ସବୁବେଳେ
ପାଶେ ପାଶେ ରହ
ଆଜି କିଆଁ ଏତେ ଦୂର ।
ତୁମ ବିରହରେ
ଆଜି ମୁଁ ପାଗଳ
ଥରଟିଏ ଆସି କୁହ,
କିଆଁ ପ୍ରିୟତମ
ବସିଛ ଏପରି
କୋଳେଇ ମତେ ଗୋ ନିଅ ।
ତୁମର ଉଷ୍ମତା
ମୋ ଦେହରେ ମିଶି
ଅଗ୍ନି ଉଦ୍ଗୀରଣ ହେଉ,
ଶାଶ୍ୱତ ପ୍ରେମର
ଇତିହାସ ରଚୁ
ଭବିଷ୍ୟତ ବଞ୍ଚି ଯାଉ ।
ପ୍ରେମର କାହାଣୀ
ସୃଷ୍ଟି କରୁ ଝଡ
ସଭିଙ୍କ ଆତ୍ମା ଭିତରେ,
ଆଦାମ ଇଭଙ୍କ
କାହାଣୀ ଠାରୁ ବି
ବଢିଯାଉ ଏ ସଂସାରେ ।