ଏକା ଏକା ବସି ସ୍ନାହାନ କରୁଛୁ

 ଏକା ଏକା ବସି ସ୍ନାହାନ କରୁଛୁ

    ସ୍ନାହାନ ମଣ୍ଡପେ ତୁହି.

କେମିତି ଲାଗୁଛି କହରେ କାଳିଆ

     ପାଶେ ଭକତ ନ ଥାଇ.

ପ୍ରଭୁ, ତୁହି ପରା ଭାବଗ୍ରାହୀ. l0l

ସେ ଭାବକୁ ଆଜି ଅଭାବ କରିଲୁ

     ଭାବରେ ବାନ୍ଧିଲୁ ବନ୍ଧ.

ଏ ସାରା ଜଗତ ଗୁମୁରି କାନ୍ଦୁଛି

     କରିଦେଲୁ ସର୍ବେ ଅନ୍ଧ.

ଚାରି ଦ୍ୱାର କିଳି ଯାତରା ତୁ କଲୁ

     ପାରିଲେନି ଦେଖି କେହି. l1l

ତୋହ ପାଇଁ ଖଞ୍ଜା ସୁବାସିତ ଜଳ

     ଦଇତା ସେବକେ କେତେ.

ସେହିଥିରେ ଟିକେ ଉଣା ହୁଏ ନାହିଁ

     ଅନ୍ତର କଲୁ ଭକତେ.

ହାତରେ ଗଢ଼ିଛୁ ଭାତରେ ମାରୁଛୁ

     ଦୋଷ ଟିକେ ଦେଏ କହି. l2l