ଲାଇବ୍ରେରୀ
ପ୍ରୋଫାଇଲ୍
ଏକ ସ୍ମୃତି ବର୍ଷାର
ଏକ ସ୍ମୃତି ବର୍ଷାର
ମୋ ମାନସପଟ୍ଟରେ ଏବେବି
ଉଜ୍ଜିଵିତ ହୋଇ ରହିଛି
ତୋର ସ୍ମୃତି ସବୁ
ଏବେବି ବର୍ଷା ଆସିଲେ ମୁଁ
ଚାହିଁ ରହେ ତୋର ଫେରିବା ବାଟକୁ
ଜାଣେ ତୁ ଫେରିବୁନି
ସେ ଅପେରା ରାଇଜରୁ
ତଥାପି ମୁଁ ଆନମନା ହୁଏ
ତୋର ମୋର ସବୁ
ସାଉଁଟା ସ୍ମୃତି କୁ ସଜାଡିବକୁ
ବର୍ଷା ର ରିମ୍ ଝିମ୍ ଟୋପାରେ
ଏବେବି ଶୁଭେ ତୋର ପାଉଁଜି ର ସ୍ଵର
ମୁଁ ଖୋଜି ବୁଲେ ଏଠି ସେଠି
ଅନେକ ଥର
ତୋର ସେ ଗୋଲାପୀ ଅଧରକୁ
ବାରଂବାର ଛୁଉଁ ଥିବା
ସେ ବରଷାର ଟୋପା କୁ
ମୋର ଭାରି ଇର୍ଷା ହୁଏ
କାହିଁକି ନା ତା ପରି ଭାଗ୍ୟ
ମୋର ନଥିଲା ସତେ
ଏମିତି ଏକ ବର୍ଷାମୁଖର ରାତିରେ
ତୁ ଛାଡି ଗଲୁ ମୋତେ
ଥରୁଟିଏ ହେଉ ପଛେ
ମୋ କୋଳରେ ଶୋଇଗଲୁ
ଅନ୍ତିମ ନିଦ୍ରା ରେ
ଖାସ୍ କି ମୋ ହାତ ରେ ଥାଆନ୍ତା
ତୋତେ ଅଟକେଇ ପାରିବାର
ସବୁ ସାମର୍ଥ୍ୟ
ସତ କହୁଚି
କେବେ ବି ହାତ ଛାଡି
ଚାଲିଯିବାକୁ ଦେଇ ନଥାନ୍ତି
ତୋତେ ସୁଯୋଗ
ତୋ ଆଗରୁ ମୁଁ ଶୋଇଯାଇଥାନ୍ତି
କାଳର କୋଳରେ
ସମୟକୁ ଫୁ କରି
କହିଦେଇଥାନ୍ତି ରହ ରହିଯା ତୁ
ମୋ ପ୍ରିୟା ଭିଜୁଛି ବର୍ଷା ରେ
ଶୋଇ ଶୋଇ ମୋ କୋଳରେ
ଦେଖିବାକୁ ଦେ ଆମର
ମିଳନର ଗୀତି
ସତରେ ନହେଉ ପଛେ
ସ୍ଵପ୍ନ ରେ ଭିଜିବାକୁ ଦେ
ଆମ ଦିହିଁଙ୍କୁ ଶେଷଥର.......
