ଏଇତ ଜୀବନ

ଯଦି କେବେ ହିସାବ କରିବସେ 

ଜୀବନ ତମାମ କାହା ଠାରୁ ପାଇଛି କେତେ

ଲାଞ୍ଛନା, ଛଳନା, ପ୍ରତାରଣା 

ହରାଇଛି କେତେ

ବିଶ୍ବାସ, ଭରସା ଓ ଆତ୍ମିୟତା;

ପାଇବା ଠାରୁ ଢେର ହରାଇ ସାରିଥାଏ l

ହିସାବ ନିକାସ ସବୁ ଭୁଲ ହୋଇଯାଏ

ହତାସ ଲାଗେ, ନିଃସଙ୍ଗପଣ ହସେ 

ମୋ ଅପାରଗତାରେ,

ଅଣନିଶ୍ବାସୀ ହୋଇ ସେହିକ୍ଷଣି 

ମୁଁ ପଳାତକ ସାଜେ  l

ଚାଲିଯାଏ ବହୁତ ଦୂରକୁ

ପାହାଡ ଶୀର୍ଷରେ ଯାଇ ଛିଡା ହୁଏ

ଆନ୍ଦୋଳିତ ହୁଏ ମନ

ଦୀର୍ଘଶ୍ବାସ ନିଏ ବାରମ୍ବାର l

କିଛି ଅନୁଚିତ କାର୍ଯ୍ୟ କରିବାକୁ 

ଇଚ୍ଛାଟିଏ ଜାଗେ ମନେ!

ସେହିକ୍ଷଣି ମନେ ପଡିଯାଏ 

ରସ୍କିନ୍ ବଣ୍ଡଙ୍କ କଥା-

"ଜୀବନ ଜୀଇଁବା ବଡ କଥା ନୁହେଁ

କେମିତି ସାହାସର ସହ ବଞ୍ଚିବା 

ତାହା ହିଁ ବଞ୍ଚିବା " I