ଏଇତ ଜୀବନ
ଏଇତ ଜୀବନ
ଏଇତ ଜୀବନ,
କେବେ ହସର ପସରା
କେବେ ଲୁହର ଅସରା ।
ଏଇତ ଜୀବନ,
କେବେ ବୈଶାଖର ଖରା
କେବେ ଶ୍ରାବଣର ଧାରା ।
ଏଇତ ଜୀବନ,
କେବେ ମାନି ଅଭିମାନ
କେବେ ଆଘାତର ଚିହ୍ନ ।
କେବେ ଅସ୍ତ ଗାମୀ ସୂର୍ଯ୍ୟ
କେବେ ପୂର୍ଣ୍ଣିମାର ଜହ୍ନ ।
ଏଇତ ଜୀବନ,
କେବେ ପ୍ରେମର ଝରଣ|
କେବେ କେବେ ପ୍ରତାରଣା ।
କେବେ ଲାଗେ ସବୁ ମାୟା
କେବେ ବିଷାଦର ଛାୟା ।
ଏଇତ ଜୀବନ,
କେବେ ସ୍କୃତିର ମହଲ
କେବେ କାନନର ଫୁଲ ।
କେବେ ଲାଗେ ମରିଚିକା
କେବେ ସ୍ୱପ୍ନ ପଡ଼େ ଫିକା ।
ଏଇତ ଜୀବନ,
କେବେ ଅଦିନିଆଁ ଝଡ଼
କେବେ ନିଏ ନୂଆ ମୋଡ ।
କେବେ ଅମାବାସ୍ୟା ରାତି
କେବେ କୋହଭରା ତାତି ।
ଏଇତ ଜୀବନ,
କେବେ ଏନ୍ତୁଡିର ନିଆଁ
କେବେ ମଶାଣିର ଧୂଆଁ ।
କେବେ ଅଧାଫୁଟା କଳି
କେବେ ଯାଏ ସେ ମଉଳି |