ଏଇତ ଜୀବନ

କିଛି ନେଇ ତୁ ଆସିନୁରେ ଧନ

କିଛି ନେଇ ପୁଣି ଯିବୁନିରେ ଧନ

ଯାହାତୁ କରିବୁ ତାହା ତୁ ପାଇବୁ

ଜୀବନ ଖାତାରେ ସଞ୍ଚିତ ତୋ କର୍ମ

ପୂର୍ବ ଜନ୍ମେ ଯାହା କରିଥିଲୁ ଧନ

ଏ ଜନ୍ମେ ପାଇଲୁ ପାପ, ପୂଣ୍ୟ କର୍ମ

ଏ ମିଛ ସଂସାରେ ସତ୍ୟ ତୋର ଜନ୍ମ

ମିଛ ଅଭିନୟ କରୁ ଅଛୁ କାହିଁ

କେହି ତୋ ନୁହେଁ ନିଜର

ସଂସାର ମଞ୍ଚରେ ଅଭିନୟ କରି

କରୁଛୁ ସଭିଙ୍କୁ ନିଜର

ସ୍ୱାର୍ଥ ଥିବ ଯାଏଁ ସଭିଏଁ କହିବେ

ମୋର.... ମୋର.......

ପଞ୍ଚଭୂତେ ଗଢ଼ା ଶରୀର ତୋର

ହୋଇବ ଯେ ଦିନେ ମଡ଼ା

ଛ'ଖଣ୍ଡି କାଠରେ ଲଦା ହୋଇଯିବୁ

ମଶାଣି ହେବ ତୋ ନିଜର

କଣିକଉଡିଟେ ସାଥିରେ ନ ନେବୁ

ମଶାଣି ହେବ ତୋ ନିଜର

ବନ୍ଧୁ, ପରିଜନ ପୋଡିଦେଇ ଯିବେ

ପାଉଁଶରେ ହେବୁ ଲୀନ

ଦଶଦିନ ଯାଏଁ ମୁଗୁରି କାନ୍ଦିବେ

ଆତ୍ମୀୟ ସ୍ୱଜନ ତୋର

ଏଗାର ଦିନରେ ଘିଅ ମହୁ ପାଇ

କ୍ରିୟା ଯେ ସାରିବେ ତୋର

ବାର ଦିନେ ବାର ପତର ଦେଇ

କରିବେ ତତେ ପର

ତେର ଦିନ ଯାଇ ଚଉଦ ହୋଇଲେ

ମନୁ ହୋଇଯିବୁ ଦୂର

ଯେତେ ଦିନୁ ତୁହି ବଞ୍ଚି ରହିଥିବୁ

କରୁଥା ସଭିଙ୍କୁ ନିଜର

ସ୍ନେହ, ସୌହାର୍ଦ୍ଦ୍ୟରେ ବାନ୍ଧି ରଖିଥା

କରିବେ ଦିନେ ତୋ ଗୁଣ ବଖାଣ

ଭଲ କର୍ମ କଲେ ସଭିଏଁ ଲୋଡିବେ

କୁକର୍ମ କଲେ ତୁ... ଦୂରେଇ ଯେ ଦେବେ

ମିଛ ମାୟା ସଂସାର .....

ସ୍ୱାର୍ଥ ପାଇଁ ତତେ କରିବେ ନିଜରରେ

ଏ ମିଛ ଅଭିନୟ କାହିଁ ତୁ କରୁରେ

ଏଇ ପରା ତୋ ଜୀବନରେ.... ll