ଏଇତ ଜୀବନ

ଅଗଣିତ ଜୀବ ଜନ୍ତୁ ,

            ଜୀବନ କାଳରେ କିନ୍ତୁ !!

ସୀମିତ ଶ୍ୱାସ ପ୍ରଶ୍ୱାସ ,

            ବାୟୁ ମଣ୍ଡଳେ ନିଃଶ୍ୱାସ ।

ପ୍ରଭୁ କୃପା ବଳେ ଆସି,

            ଜୀବ ଜଗତେ ପ୍ରବେଶି ।

ଲଭିଲେ ମାନବ ଜନ୍ମ ,

           ଜନ୍ମ ଘେନି କଲେ କର୍ମ ।

ସ୍ବଭାବ ସୁଲଭ ପଣେ ,

            ଭିନ୍ନ ଭିନ୍ନ ରୂପ ଗୁଣେ ।

ଚରିତ୍ରକୁ ବିକଶିତ ,

            କରିଥାନ୍ତି ନିଜ ମତ ।

ସଂସ୍କାର ମିଳଇ ଗୃହେ,

            ସେଭଳି ବଢ଼ଇ ପ୍ରାୟେ ।

ଜନ୍ମ ସୁଲଭ ଗୁଣରେ ,

             ଅନେକାଂଶ କୁଣ୍ଡଳୀରେ ।

ପ୍ରକୃତି ବିବିଧ ରୂପେ ,

            ଦେଖାଏ ସେ ନାନା ରୂପେ ।

କର୍ମ ଅନୁଯାୟୀ ଫଳ ,

            ମିଳେ ହେଲେ ବେଳ କାଳ ।

ଧର୍ମ, କର୍ମ, ମୋହ, ଲୋଭ ,

               ଈର୍ଷା ଓ ଅସୂୟା ଭାବ ।

ପ୍ରକୃତି ଗତ ଲକ୍ଷଣ ,

             ବିସ୍ମିତ ନୁହେଁ କାରଣ ।

ଯୁଗେ ଯୁଗେ ରହିଅଛି ,

             କିଞ୍ଚିତେ କେ' ବଦଳିଛି ।

ଭଲ, ମନ୍ଦ, ଖରା, ଛାଇ ,

              ଜୀବନକୁ ବାହି ନେଇ ।

ଶେଷରେ ହେବ ବିଲୀନ ,

              ନାମ ଲୁଚି ହେବ ଲୀନ ।

ମନ୍ଦ ପାଇଁ କର୍ମ ନିନ୍ଦେ,

             ଭଲ ପାଇଁ ଭଲ ପଦେ ।

 ମନୁଷ୍ୟ ଜୀବନ ବଡ଼ ,

              କିଏ ଗ୍ରୀଷ୍ମ ଅବା ଜାଡ ।

 ନିଜ ହସ୍ତେ ସ୍ୱ ସନ୍ମାନ ,

             ରଖିଲେ ବଢ଼ଇ ମାନ ।

ଈର୍ଷା ଓ ଅସୂୟା ଭାବ ,

             ଘଟ ସହ ଲୀନ ହେବ ।

ଏକା ଧର୍ମ ସାଥେ ଥିବ ,

             ମୃତ୍ୟୁ ସହ ସଙ୍ଗେ ଯିବ।