ଏଇ ପ୍ରଶ୍ନ ଉଠେ ଭାତି

ମନ ତଳେ ତଳେ

କେତେ ପ୍ରଶ୍ନ ଖେଳେ

       ଉତ୍ତର ପାଏନା ଖୋଜି,

ମାନବ ସମାଜେ

ଏତେ ତାରତମ୍ୟ

       କିଏ ଅବାଅଛି ସୃଜି ।

କାହାମନେ ଖେଳେ

ଆନନ୍ଦ ତରଙ୍ଗ

        ସୀମା ସରହଦ ଡେଇଁ,

ଦୁଃଖର ଡଅଁରେ

ଆକୁଳ ଚିତ୍କାର

        କରୁଅଛି କିଏ କାହିଁ।

ଏକ ଉପାଦାନେ

ଗଠିତ ଏଦେହ

        ଛୁଆଁ ଅଛୁଆଁର ଭାବ,

ଶ୍ରେଣୀ ବିଭେଦର

ପାଚେରୀ ଉଠାଇ

        ଦେଇଅଛି ପରାଭବ।

ନାରୀ ପୁରୁଷର

ସଂସାରେ କାହିଁକି

        ଏତେ ସବୁପ୍ରହସନ,

ଭଲ ପାଇବାର

ପବିତ୍ରତା ଏଠି

        କାହିଁକି ପଡେ଼ ମଳିନ।

ପୁଣ୍ଯମୟୀ ଏଇ

ମାଟିକୁ କାହିଁକି

        କରାଯାଏ ବିକାକିଣା,

ଅଧିକାର ଏଠି

କାହାପାଇଁ ବେଶୀ

        କାହା ପାଇଁ ପୁଣି ଉଣା।

ଶ୍ରେଣୀ ବିଭାଗରେ

ଦୁଇଗୋଟି ମାତ୍ର

         ମଣିଷ ଗୋଟିଏ ଜାତି,

ଅସୁମାରୀ ଜାତି

ସୃଷ୍ଟିକଲା କିଏ

         ଏଇ ପ୍ରଶ୍ନ ଉଠେ ଭାତି ।