ଏଇ ମୋ ଦେଶ ଭାରତ
ଏଇ ମୋ ଦେଶ ଭାରତ
ନୁହେଁ ଗଣତନ୍ତ୍ର ଚାଲେ ଏକଛତ୍ର
ମିଥ୍ୟା ଗଣତନ୍ତ୍ର ଶବ୍ଦ
ସ୍ବାଧିନ ହେବାର ତେସ୍ତରି ବର୍ଷର
ଦେଖ ଇତିହାସ ଫର୍ଦ୍ଦ
ଏଇ ମୋ ଦେଶ ଭାରତ ।
କ୍ଷମତା ଖୋଳପା ଗଭୀରତା ମପା
ପାଇଁ ନାହିଁ କେଉଁ ଯନ୍ତ୍ର
ଆଇନ କାନୁନ ଡୁବି ମରେ ତେଣୁ
କ୍ଷମତାର କରାୟତ
ଏଇ ମୋ ଦେଶ ଭାରତ ।
କାହାକୁ ରୁଚୁନି ପଲଉ ଚଟଣୀ
ଫିଙ୍ଗେ ଗଦା ଗଦା ଭାତ
ପେଟ ପୋଡେ କାର ନ ପାଇ ଆହାର
ଭାତକୁ ପତାଏ ହାତ
ଏଇ ମୋ ଦେଶ ଭାରତ ।
ପାଉନି ରୋଗିଟି ଓଷଦ ଏଇଠି
ରୋଗେ ହୁଏ ହନ୍ତ ସନ୍ତ
ଫିଙ୍ଗା ହୁଏ ଗଦା ଗଦା ଓଉଷଧ
ଏ କଥାଟି ଧ୍ରୁବ ସତ୍ୟ
ଏଇ ମୋ ଦେଶ ଭାରତ ।
ନର ହତ୍ୟାକାରୀ ନାରୀ ବଳାକ୍ତାରି
ଚୋର ଖଣ୍ଟ ଡକାୟତ
ନିଶେ ହାତ ମାରି ମାରେ ବାହାଦୂରୀ
ନିର୍ଦ୍ଧୋଷୀ ଦଣ୍ଡ ପାଏତ
ଏଇ ମୋ ଦେଶ ଭାରତ ।
ବିନା ଲାଞ୍ଚେ ଏଠି ଫାଇଲ ଖୋଲେନି
ଦରମା ତ ସୁରକ୍ଷିତ
ପାଇଲେ ଆସନ ପାଞ୍ଚ ବର୍ଷେ ସଞ୍ଚେଇ
ସାତ ଜନମକୁ ବିତ୍ତ
ଏଇ ମୋ ଦେଶ ଭାରତ ।
ଜୀବନେ ଦେବସ୍ଵ ବ୍ରହ୍ମସ୍ଵ ରାଜସ୍ବ
ଭକ୍ଷଣେ ଯାହାର ଚିତ୍ତ
ସଂସାରରେ ଭାଇ ଅଧମଟି ସେହି
ଦଣ୍ଡ ଦ୍ୟନ୍ତି ଯମ ଦୂତ
ଏଇ ମୋ ଦେଶ ଭାରତ ।