Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Ranjan Kumar Brahma

Abstract

3  

Ranjan Kumar Brahma

Abstract

ଏହା କି ବଡ଼କଥା

ଏହା କି ବଡ଼କଥା

1 min
213



ଜୀବନ ଦେଖିଛି 

ବଡ଼ ଭୟଙ୍କର

ମରୁଡି ବେଳରେ 

ଜୀଇଁଛେ ଏକା ।


   ସୁନାମି ଆସୁଛି 

   ମୁଣ୍ଡ ଉପରକୁ 

   ତଥାପି ନୋଇଁନୁ 

   ଆମରି ମଥା ।।


ମହାମାରୀ ତା'ର

ଦିହକୁ ଘଷୁଛି

ନାହିଁ ଭୟ ଆମ 

ତିଳେ ସେଇଠି ।


   ସତର୍କ ଆମର 

   ଅଡୁଆ ତା ପାଇଁ 

   ଭାବୁଛି ସେ ଯିବ 

   ଆଉ କୋଉଠି ।।


ଭୂମିକମ୍ପ ଆମ 

ପାଦତଳେ ଅଛି 

ଚାଲିବା ଛାଡିନୁ

ନ କରି ଭୟ ।


    ଅଂଶୁଘାତ ଡର

    ଯୁଗେଯୁଗେ ଅଛି

    ମୁଣ୍ଡର ଠେକାରେ

    ଆମେ ନିର୍ଭୟ ।।


ରୋଗବ୍ୟାଧି ସବୁ

ଆମ ସହଚର

ଆମରି ଘରେ 

ତାଙ୍କରି ଘର ।


   ବାତ୍ୟା ମହାବାତ୍ୟା

   ଆମ ସଖା ଭଳି 

   ପ୍ରତିବର୍ଷ ଆସେ 

   ଥରକୁ ଥର ।।


ଆମ ଉଠା ବସା

ସେମାନଙ୍କ କୋଳେ

ସମ୍ପର୍କରେ ସବୁ 

ଖୁବ୍ ନିଜର ।


   ପ୍ରକୃତିର ଦାନ  

   ଆମେରେ ସଭିଏଁ 

   ମାନ ରଖି ଯିବା 

   ନିଜ ନିଜର ।।


ଆସିଅଛେ ଏକା 

ଯିବା ଏକା ଏକା

ଯିବେ ନାହିଁ କେହି

କାହାରି ସଙ୍ଗେ ।


   କାହିଁ ରାଗରୁଷା 

   ଗର୍ବ ଅଣଦେଖା 

   ସବୁ କ୍ଷଣସ୍ଥାୟୀ 

   ଜୀବନ ରଙ୍ଗେ ।।




Rate this content
Log in