ଏବେ ତ ନୀରବତା ଭଙ୍ଗ କର

ନୀରିହ ଚାହାଣୀ ତୁମର 

ଗଢେକେତେ ବାଲିଘର

ଶାନ୍ତମନ ତୁମ କରେ

ହୃଦୟେ ନୌକା ବିହାର 

ନିର୍ଜନତା ଖେଳେ ଆଳାପେ ତୁମର 

ଏବେ ତ ନୀରବତା ଭଙ୍ଗ କର। 

ଆଖିର କଜ୍ଜଳ ଗାର ଦିଶେ ଉଜ୍ଜ୍ୱଳ 

ଅଭିମାନୀନି ଏଇ ଅମାନିଆ ଜଳ

ନୃତ୍ୟରତା ତରଙ୍ଗ ମୁଁ ଯେ

ତୁମେ ବିସ୍ତୀର୍ଣ୍ଣ ସାଗର 

ଶାନ୍ତ ହୋଇ ଆଉ ନକର ପ୍ରହାର

ଏବେ ତ ନୀରବତା ଭଙ୍ଗ କର।

ଆଖିର ଭାଷାକୁ ବୁଝିପାର ବୋଲି

ଓଠ ଆପେ ଆପେ ଚୁପ୍ ହୋଇଯାଏ

ସବୁ ବୁଝି ବି ତୁମେ ଅବୁଝା ହୁଅ

ଅଭିନୟ କର ବେଶ୍ ଚମତ୍କାର 

ଏବେ ତ ନୀରବତା ଭଙ୍ଗ କର ।

ଅନ୍ତତଃ ଏବେ ତ ନୀରବତା ଭଙ୍ଗ କର।