ଏ ତ ତୁମ ଆମ ସୁନାର ସଂସାର

ମୋର ଅପେକ୍ଷାରେ

ତୁମର ସମୟ ନଥାଏ

ତୁମେ ଆସି ପାରନି

ହଠାତ୍

ତୁମେ ଆସିଲେ

ମୋର ବ୍ୟସ୍ତତା ଭିତରେ

ମୁଁ ଭେଟି ପାରେନି ।

ତୁମର ଅପେକ୍ଷାରେ

ମୋର ବେଳ ନ ଥାଏ

ମୋର ବେଳ ଥିଲାବେଳେ

ତୁମେ ଭାରି ବ୍ୟସ୍ତ

ଆଗନ୍ତୁକ ଅତିଥି ଚର୍ଚ୍ଚାରେ ।

ମୁଁ ଗପିଲା ବେଳେ

ତୁମେ ହୋଇ ଥାଅ

ଅନ୍ୟମନସ୍କ, ଚିନ୍ତାଗ୍ରସ୍ତ

ତୁମର ଗପ ବେଳେ

ମୋ ଯୌଥ ପରିବାରରେ

କୋଳାହଳ, ଅତିଥିର ଚର୍ଚ୍ଚା ।

ତୁମର ଇଚ୍ଛା ରେ

ମୁଁ କିଛି କରିପାରେ ନାହିଁ

ମୋର ଇଚ୍ଛା ରେ

ତୁମେ ରୋଷେଇ ର ଘରେ ।

ଜୀବନଟା ଛିଃ ଲାଗିଯାଏ

ରସପୂର୍ଣ୍ଣ ସମୟରେ

ନିରସ ହୋଇଯାଏ

ଆମର ପ୍ରତ୍ୟେକ ଆଶା

ଏ ତ ତୁମ ଆମ ସୁନାର ସଂସାର ।