ଏ ମନ ଧ୍ବଂସ ହେଉ

ଏହି ବିରାଟ ସ୍ୱପ୍ନଧାରିତ, ସ୍ୱପ୍ନବିଳାସୀ 

ଅସୁମାରି ଆଶାର ନଈରେ ପହଁରୁଥିବା ମନ, 

ବାରବାର ଆଘାତରେ ଆହତ ହୋଇ

କୋହକୁ, ଲୁହକୁ ଔଷଧ ଓ ରକ୍ତକୁ ସମ୍ପତ୍ତି କରି

ଭିତର ଶବ ସହ ବନ୍ଧୁ ସାଜିଥିବା ମନ, 

ଦୁର୍ବଳ ଚଟ୍ଟାଣ ଆଧାରରେ ବିବେକର ଅଟ୍ଟାଳିକା

ଗଢିଥିବା ଭାବବିହ୍ୱଳିତ ମନ ନଷ୍ଟ ହେଉ

ଏ ମନ ସମୂଳେ ଧ୍ୱଂସ ହେଉ ।

ଅଯଥା ବିତର୍କ କରି ମୂର୍ଖତାପୂର୍ଣ୍ଣ ଆଚରି

ପାଗଳ ପ୍ରଳାପ କରି ହସରେ କାନ୍ଦୁଥିବା ମନ, 

ଲୁହର କାରଖାନା ନିର୍ମାଣ ପାଇଁ

ବିବେକର ବିନାନୁମତିରେ ଚଞ୍ଚକତାରେ

ବାରବାର ହୃଦୟରେ ଘର ଗଢୁଥିବା ମନ, 

ଭାବନାର ସମ୍ବିଧାନ ରୋକ ଲଗାଇଛି

ଏ ବେନିୟମ ମନର ଆଧୁନିକ ଦୂର୍ଗ

ସମ୍ପୂର୍ଣ୍ଣ ଧୂଳିସାତ୍ ହେଉ ମନ ନାଶ ହେଉ

ଏ ମନ ସମୂଳେ ଧ୍ୱଂସହେଉ।