ଏ କି ତୁମ ରାଜଧର୍ମ
ଏ କି ତୁମ ରାଜଧର୍ମ
ଲକ୍ଷ ଜନର ବକ୍ଷ ନିଗାଡ଼ି
ବିଦୀର୍ଣ୍ଣ କରିଛ ପ୍ରାଣ
ମାନବ ରୂପରେ ଦାନଵ ହେ ତୁମେ
ଶୁଣ ସୈତାନ ଶୁଣ l
ନିଷ୍ପେସି ଦେଲ ନିରୀହ ଶୈଶବ
ପଥ ହୁଡ଼ି ଖଟେ ଶ୍ରମ
ଏହିକି ତୁମର ମାନବ ବାଦର
ଚିର ବାଞ୍ଛିତ ଧର୍ମ ।
କାଳ ଗର୍ଭରେ ନିକ୍ଷେପିବ ଯେବେ
ଏ ଜାତିର ଇତିହାସ
ବିଶ୍ୱ ଜନତାର ନିନ୍ଦିତ ଚକ୍ଷୁ
କରୁଥିବ ଅଟ୍ଟହାସ୍ୟ l
କୁହ ନେତୃବୃନ୍ଦ କୁହ ନାଗରୀକ
ତୁମ ସାମାଜିକ ସ୍ଥିତି
ସୃଷ୍ଟି କରିଛ ଜନତାଙ୍କ ମଧ୍ୟେ
ଉଚ୍ଚ ନୀଚ୍ଚ ଘୃଣ୍ୟ ନୀତି l
ମଣିଷ ଗଡ଼ରେ ଅମଣିଷ ତୁମେ
ହିଂସ୍ର ତୁମର କର୍ମ
କଥାର ଜବାବ ଗୁଳିରେ ଦେଉଛ
ଏକି ତୁମ ରାଜଧର୍ମ ।
ସୂର୍ଯ୍ୟ ଶିଖାଠୁ ଶିଖରେ ମାନବ
ସାମ୍ୟବାଦର ନୀତି
ନଦୀ, ନିର୍ଝରିଣୀ, ନର୍ଦ୍ଦମା ଜଳେ
ବନ୍ଧନ ତାର ପ୍ରୀତି l
ଆସିବ ସେଦିନ ନିଶ୍ଚୟ ଆସିବ
ହାତେ ଥିବ ତୁମ ହାତକଡ଼ି
ନିରୀହ ଜନତା ଶୁଷ୍କ ଅଧରୁ
ପଡୁଥିବ ଧାରେ ହସ ଝଡ଼ି l
ଫାଶୀ ଖୁଣ୍ଟରେ ଝୁଲିବ ଯେ ଦିନ
ସମୟ ସ୍ରୋତରେ ଭାସି
ବିଳମ୍ବ ହେଲେବି ମର୍ମ ଭେଦିବ
ଜୀବନକୁ ଦେବ ଝାସୀ l