ଦୂର ସୁନ୍ଦର
ଦୂର ସୁନ୍ଦର
ଦୂରତା ରହିଲେ ବନ୍ଧୁର ସଂପର୍କ ସୁମଧୁର ହୋଇରହେ,
ଦୂରରେ ଥିବାରୁ ପଦ୍ମ-ସୂର୍ଯ୍ୟଙ୍କର ପ୍ରେମ ସବୁଦିନ ଥାଏ |
ଦୂରେଥାଇ ତାରା କି ସୁନ୍ଦର ଦିଶେ, ଜହ୍ନମାମୁ ଦୂରେ ଥାଏ,
ଦୂରରୁ ପର୍ବତ ସମୁଦ୍ର ଆକାଶ କୋଟିଜନ ମନ ମୋହେ |
ଦୂରେଥାଇ ମେଘ ବରଷଇ ବୋଲି ଚାରିଆଡ଼େ ବୁଣିହୁଏ,
ଦୂରଦେଶ ଖାଲି କଳ୍ପନା ବିଳାସ ଆମଦେଶ ପରି ନୁହେଁ |
ଦୂରେଇ ରହିଲେ ହିଂସ୍ର ଜୀବଜନ୍ତୁ କ୍ଷତି କରିପାରେ ନାହିଁ,
ଦୁରତା ନଥିଲେ ଲୋଭ ମୋହଠାରୁ ପାପ ରହିଥିବ ଚାହିଁ |
ଦୂରତା ରଖିବା ଦୁର୍ଜନ ଲୋକଠୁଁ ବିପଦ ରହିବ ଦୂରେ,
ଦୂରେଥିଲେ ରୋଗ, ଋଣ, ଅସ୍ଵଚ୍ଛତାଠୁଁ ବଞ୍ଚିଥିବା ଆନନ୍ଦରେ |
ଦୂରେ ବସିଛନ୍ତି ଜଗନ୍ନାଥ ପ୍ରଭୁ ବ୍ରହ୍ମକୁ ଛୁଇଁବା ନାହିଁ,
ଦୂରରୁ ଡାକିଲେ ବନ୍ଧୁପଣେ ସିଏ ପାଖକୁ ଆସନ୍ତି ଧାଇଁ |