"ଦୂର ଆକାଶର"

ଦୂର ଆକାଶର

ଟିକି ତାରା ତୁମେ

ଚିକିମିକି ଦିଶୁ ଥାଅ

ଟିକିଏ କଥାରେ

ମନ ଖୋଲି ତୁମେ

କାହିଁ ଏତେ ହସି ଦିଅ

ନିରବ ରହୁଛି

ଜାଣିକି ପାରୁନ

ମୋ ମନର ଯେତେ କଥା

ଭଲ ପାଅ ବୋଲି

ଖୋଲିକି କହିଲେ

ଦୂର ହେଇ ଯିବ ବ୍ୟଥା

ଅସୁମାରୀ ଆଶା

କେତେ ଯେ ସପନ

ଦେଖି ଅଛି ଏଇ ମନେ

ତୁମ ହାତ ଥରେ

ଛନ୍ଦିଲେ ହାତରେ

ଖୁସି ହୋଇବି ଜୀବନେ

ତୁମ ବିନା ମୋର

ଜୀବନର ମାନେ

ବେସହରା ଗୁଡି ପରି

କେତେ ବେଳେ ଅବା

ଛିଡି ଯିବ କାଳେ

ବେଳକୁ ହୁଏ ମୁଁ ଝୁରି

ବସନ୍ତେ ବଉଳ

ଗଛରେ କୋଇଲି

ଦେଲେଣି ଶୁଭ ବାରତା

ସୁଲୁ ସୁଲୁ ବାଆ

ବହିଲାଣି ଏବେ

ଖୋଲି କୁହ ମନ କଥା

ଶୁଭର ଲଗନେ

ଖୁସିର ଦିନରେ

ହେବ ଆମ ଏଇ ମେଳ

କାଳ ବେଳ ଦେଖି

ଗଢିବା ସଂସାର

ଆସିଲେ ଶୁଭର ବେଳ