"ଦୁର୍ଗତିନାଶିନୀ"
"ଦୁର୍ଗତିନାଶିନୀ"
ଜୟ ମା' ଦୁର୍ଗା
ତୁ ମା'ଦୁର୍ଗତିନାଶିନୀ
ବିଶ୍ଵ ଜନ କଲ୍ୟାଣ କାରିଣୀ
ଜୟ ଜୟ ମା'ଲୋ
ପାପ ବିନାଶିନୀ
ଅନ୍ଧକାର ବିନାଶିନୀ
ଅଜ୍ଞାନ ନାଶିନୀ,
ଅସୁର ନାଶିନୀ
ମା' ଜଗତ ଜନନୀ
ଜୟ ମା' ଦୁର୍ଗା
ମା' ଦୁର୍ଗତି ନାଶିନୀ ।
ଦେବ, ଦାନବ, ମାନବଙ୍କ
ଉଦ୍ଧାର କାରିଣୀ
ତୁ ମା' ମୁକ୍ତି ଦାୟିନୀ,
ଶକ୍ତି ଦାୟିନୀ
ମାତୃଶକ୍ତି ମା' ଜଗତ ଜନନୀ
ଭକ୍ତି, ମୁକ୍ତି, ଶାନ୍ତି ପ୍ରଦାୟିନୀ
ମାତୃ ଜାତିର ସଂକଟ କାଳେ
ତୁ ମା' ହୁଅ ସହାୟ କାରିଣୀ
ଦୁଷ୍କର୍ମକାରୀଙ୍କୁ ଏ ସମାଜୁ ଓ ବିଶ୍ଵୁ
କର ସଂହାର ମା' ଲୋ ତୁ
ସାଜି ତୁ ସଂହାର କାରିଣୀ
ଜୟ ମା' ଦୁର୍ଗା
ମା' ଦୁର୍ଗତିନାଶିନୀ ।
ଦେଶ, ସମାଜ ଓ ବିଶ୍ଵ
ବିନାଶକାରୀଙ୍କୁ
ସଂହାର କର ଲୋ ମା'
ତୁ ସାଜି ସଂହାର କାରିଣୀ
ଧରାଧାମୁ ପାପ ବିନାଶି
ପାପୀ ବିନାଶି
ସାଜେ ଲୋ ମା' ତୁ
ପାପ ବିନାଶିନୀ
ଦେଖାଇ ତୋର ଉଗ୍ର ରୂପ
ପୁନଃ ସାଜି ଦୁର୍ଗା
ଏ ସଂସାର ରକ୍ଷା କର ମା' ଲୋ
ଜୟ ମା'ଦୁର୍ଗା ମା' ତୁ
ଦୁର୍ଗତିନାଶିନୀ ।
ତୁ ଧର୍ମ ରକ୍ଷାକାରିଣୀ
ଘୋର ସଙ୍କଟୁ ଏ ବିଶ୍ଵର
ସାଜେ ମା'ଲୋ
ଉଦ୍ଧାର କାରିଣୀ
ଜରା ବ୍ୟାଧି ଆଦିରୁ
ବିଶ୍ଵ ବାସୀଙ୍କ
ଦୁର୍ଗତି କାଳେ
ସାଜି ମହାମାୟୀ,
ସାଜି କଲ୍ୟାଣମୟୀ
ସାଜି ଦୁର୍ଗା ରକ୍ଷାକର ସଭିଙ୍କୁ
ମା' ଲୋ ତୁ ମା'
ଜୟ ମା' ଦୁର୍ଗା ଦୁର୍ଗତିନାଶିନୀ ।