ଦୁର୍ଗତିନାଶିନୀ

ଆସିଲା ଶରତ ହସିଲା ଜଗତ 

   ଆସିବେ ମାଆ କାତ୍ଯାୟନୀ 

ଚାହିଁ ବସିଛନ୍ତି ସକଳ ଭକତ 

   ଆସ ଶକ୍ତି ସ୍ବରୂପିଣୀ ।

ଦୁଷ୍ଟ ଶକ୍ତି ସଂହାର କରିବାପାଇଁ 

    ହୋଇଥାଉ ଆବିର୍ଭାବ 

ହାତରେ ତ୍ରୀଶୂଳ ଧରି ଉଭା ହେଉ 

     ତୋ ମହିମା କେ ବୁଝିବ ।

ସେହି ତ୍ରୀଶୂଳକୁ ଭଗବାନ ଶିବ 

    ତୋତେ ମାଆଲୋ ଦେଇଥିଲ

ସେ ତ୍ରୀଶୂଳ ତିନି ଶକ୍ତିର ପ୍ରତୀକ 

     ଧରି ଆସୁ ମର୍ତ୍ତ୍ଯପୁରେ । 

ଜ୍ଞାନ ରୂପେ ସରସ୍ବତୀ ରହିଥାନ୍ତି 

    ଶ୍ରୀ ରୂପେ ମହାଲକ୍ଷ୍ମୀ 

ଶକ୍ତି ରୂପରେ ମାଆ କାଳୀ ନାମ ବହି 

  ନାଶୁ ଆସୁରିକ ଶକ୍ତି ।

ବିଦ୍ଯା ଧନ ଆଉ ଶକ୍ତିର ଦେବୀ ତୁ 

    ଯେଣୁ ଅଟୁ ମହାମାୟା 

ଭକତିରେ ତୋତେ ପୂଜନ୍ତି ସକଳେ 

   ପାଇବେ ବୋଲି ତୋ ଦୟା ।

ତୋ ପରେ ଭରସା କରି ତୋ ଚରଣେ

   ଶରଣ ପଶୁଛି ମୁହିଁ 

ଆପଦେ ବିପଦେ ତୋ ପଣତ କାନି

   ଦେବୁଲୋ ମାଆ ଘୋଡାଇ ।

ଧନ ସମ୍ପତ୍ତି ମୁଁ ମାଗୁନି ମାଆଲୋ 

   କୃପାଦୃଷ୍ଟି ରଖିଥିବୁ

ଦୁର୍ଗତି ନାଶିନୀ ଦୟାବତୀ ନାମ 

  ସାର୍ଥକ ତୋର କରିବୁ ।